"چات رۋلەتكا" قوسىمشاسىندا قىزىلجار ايماعىن رەسەيدىڭ تاريحي جەرى ەكەنىن ايتىپ، قازاقستاندىقتاردى رەسەيدىڭ مۇددەسى ءۇشىن سوعىپ جاتىر دەگەن ەكى ءجاسوسپىرىمدى ىزدەستىرۋ باستالدى، دەپ حابارلايدى "ادىرنا" ۇلتتىق پورتالى "قازتاگ"-قا سىلتەمە جاساپ.
قوعامدا قايشىلىق تۋعىزعان ۆيدەو "inter vata" يۋتۋب ارناسىندا جاريالاندى. چاتتا بولعان اڭگىمەدە جاسوسپىرىمدەر:
"قازاقستاندىقتاردىڭ ءبارى "رەسەي جاساسىن!" دەپ ايعايلايدى... پەتروپاۆل كەزىندە رەسەيدىڭ گۋبەرنياسى بولعان...ءبىز - قازاقستاننانبىز، بىراق بۇل ءبىزدىڭ، ورىستىڭ، جەرى", - دەيدى.
سونىمەن قاتار، چاترۋلەتكا قولدانۋشىلارى پرەزيدەنت رەتىندە توقاەۆتى ەمەس، ءپۋتيندى مويىندايتىندىقتارىن جاسىرمادى. ولاردىڭ سوزىنە سەنسەك، قازاقستاندىقتار تەگىس رەسەي مۇددەسى ءۇشىن سوعىسىپ جاتىر-مىس.
قازىرگى ۋاقىتتا الەۋمەتتىك جەلىدە ويىنا كەلگەنىن ايتىپ، جاڭساق تۇسىنىك تاراتقاندارعا قاتىستى دەرەكتەردى ۇلتتىق قاۋىپسىزدىك كوميتەتى زەرتتەپ جاتىر.
"بۇعان قاتىستى دەرەكتەر وبلىستىڭ ۇلتتىق قاۋىپسىزدىك كوميتەتىنە جولداندى", - دەپ حابارلادى وبلىستىق پوليتسيا دەپارتامەنتى.
"ادىرنا" ۇلتتىق پورتالى