رەسەي تۇرعىنى كريستينا الەكسەەنكو ديماش قۇدايبەرگەننىڭ تەگىن الدى. ول سۇيىكتى ارتىسىنە دەگەن العىسىن وسىلاي جەتكىزگىسى كەلگەن. بۇل تۋرالى ول ءوزىنىڭ Instagram پاراقشاسىنا جاريالاعان، دەپ حابارلايدى “ادىرنا” ۇلتتىق پورتالى.
"رەسمي تۇردە قۇدايبەرگەنوۆا. وزىمە سونداي ۇنايدى. بۇل فاميليامەن ەسىمىم دە كۇشتىرەك ەستىلە باستادى. 2019 جىلدىڭ 7 قىركۇيەگىندە ديماشتىڭ شىعارماشىلىعىمەن تانىستىم. دي العاشقى سەكۋندتاردان باستاپ مەنىڭ جۇرەگىمدى جاۋلاپ الدى. سول كەزدىڭ وزىندە "قۇدايبەرگەن(-وۆ)” دەگەن ءسوزدىڭ ءوزى ادەمى ەستىلدى. كەيدە ونىڭ فاميلياسىن وزىمدىكىنە قويىپ ءجۇردىم. بىراق ونى شىنايى دەپ قابىلدامادىم، تەك ءازىل ءۇشىن", - دەپ ءبولىستى كريستينا.
كريستينا 2021 جىلى ءۇش بىردەي جاقىنىنان ايىرىلعان. ايتۋىنشا، قايعىعا جۇتىلماي، باس كوتەرۋىنە ديماشتىڭ شىعارماشىلىعى سەبەپ بولىپتى.
"مەن ونىڭ اندەرىن كوپ رەت قايتالاپ تىڭدادىم. داۋسىن تىڭداي وتىرىپ، جانىمنىڭ بوس كەڭىستىگىن تولتىرىپ، جۇرەگىمنىڭ اۋىرعانىن باستىم. مەنىڭ ءومىر سۇرۋىمە قاجەتتى ەليكسير. ديماشپەن مەن ءومىرىمنىڭ ءارى قاراي جالعاساتىنىن جانە ءومىر ءسۇرۋ كەرەكتىگىن ءتۇسىندىم. ونىڭ تەگىن ماعان جاساعان بار جاقسىلىعى ءۇشىن الامىن. ومىرىمدە پايدا بولعانى ءۇشىن ديماشقا العىسىم شەكسىز", - دەپ ءبولىستى كريستينا.
ايەلدىڭ ايتۋىنشا، ديماش ونىڭ جۇرەگىن، ال ول ديماشتىڭ تەگىن ۇرلاعان.
“ادىرنا” ۇلتتىق پورتالى
