شەتەلدىك تىڭدارماندار ديماشتىڭ ءانىن قازاق تىلىندە ورىندادى

لاتىنامەريكالىق Dears قاۋىمى ديماش قۇدايبەرگەننىڭ رەپەرتۋارىنداعى ءاندى قازاقشا ورىندادى، دەپ حابارلايدى “ادىرنا” ۇلتتىق پورتالى Zakon.kz-كە سىلتەپ.

ءانشىنىڭ ءباسپاسوز قىزمەتىنىڭ مالىمەتىنشە، بەينەجازبا “Latam, Voices of Love” جوباسى اياسىندا تۇسىرىلگەن. ارگەنتينا، مەكسيكا، پەرۋ، چيلي، بوليۆيا، ۋرۋگۆاي، دومينيكان رەسپۋبليكاسى جانە كوستا-ريكادان كەلگەن جانكۇيەرلەر قازاق تىلىندە ءان ورىنداپ، قازاقستان مادەنيەتىنە جانە ديماشتىڭ شىعارماشىلىعىنا قۇرمەت كورسەتتى.

“Angel Love” ءانىنىڭ اۆتورى – كومپوزيتور رەنات گايسين، ال ءسوزىن جازعان – اقىن قالقامان سارين.

جوباعا قاتىسۋشىلاردىڭ ايتۋىنشا، ولار قازاق تىلىندە ءان ورىنداۋ ارقىلى تەك اۋەندى عانا ەمەس، ءاننىڭ رۋحى مەن جانىن جەتكىزۋدى ماقسات ەتكەن.