قىرعىزستان جوعارعى كەڭەسىنىڭ الەۋمەتتىك ساياسات كوميتەتى بۇگىنگى وتىرىسىندا «قىرعىز رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر ەنگىزۋ تۋرالى» زاڭ جوباسىن ءۇشىنشى وقىلىمدا ماقۇلدادى («قىرعىز رەسپۋبليكاسىنىڭ وتباسىلىق كودەكسى»، «قىرعىز رەسپۋبليكاسىنىڭ ازاماتتىق حال اكتىلەرى تۋرالى زاڭى»), دەپ حابارلايدى “ادىرنا” ۇلتتىق پورتالى Vesti.kg سايتىنا سىلتەپ.
زاڭ جوباسىنىڭ اۆتورلارى – دەپۋتاتتار ميرلان سامىيكوجو، نۋرلانبەك تۋرگۋنبەك ۋلۋ جانە امانكان كەنجەباەۆ.
زاڭ جوباسىندا كەلەسىدەي وزگەرىستەر ۇسىنىلادى:
- اكە اتىمەن اتالعان بالانىڭ فاميلياسىندا اتا-اجەدەن تۋىنداعان «ۋلۋ» (ۇلدارعا) نەمەسە «كىزى» (قىزدارعا) سوزدەرى اتا-انانىڭ قالاۋى بويىنشا قوسىلۋى مۇمكىن.
- اكە اتىمەن بىرگە اتا-اجەسىنەن كەلگەن «تەگي» ءسوزىن قوسۋ جاعدايىندا دا بالانىڭ فاميلياسىندا «ۋلۋ» (ۇلدارعا) نەمەسە «كىزى» (قىزدارعا) ءسوزى اتا-انانىڭ قالاۋى بويىنشا قوسىلادى.
- اكە اتىمەن بىرگە اتا-اجەسىنەن كەلگەن «تەگي» ءسوزىن قوسقاندا، ۇلدارعا «دىن/تىن»، «دين/تين»، «ءدۇن/تۇن» سياقتى مەنشىكتىك جالعاۋلار، ال قىزدارعا «دان/تان»، «دەن/تەن»، «ءدون/تون» سياقتى مەنشىكتىك جالعاۋلار قوسىلادى.
