Reseı turǵyny Krıstına Alekseenko Dımash Qudaıbergenniń tegin aldy. Ol súıikti ártisine degen alǵysyn osylaı jetkizgisi kelgen. Bul týraly ol óziniń Instagram paraqshasyna jarııalaǵan, dep habarlaıdy “Adyrna” ulttyq portaly.
"Resmı túrde Qudaıbergenova. Ózime sondaı unaıdy. Bul famılııamen esimim de kúshtirek estile bastady. 2019 jyldyń 7 qyrkúıeginde Dımashtyń shyǵarmashylyǵymen tanystym. Dı alǵashqy sekýndtardan bastap meniń júregimdi jaýlap aldy. Sol kezdiń ózinde "Qudaıbergen(-ov)” degen sózdiń ózi ádemi estildi. Keıde onyń famılııasyn ózimdikine qoıyp júrdim. Biraq ony shynaıy dep qabyldamadym, tek ázil úshin", - dep bólisti Krıstına.
Krıstına 2021 jyly úsh birdeı jaqynynan aıyrylǵan. Aıtýynsha, qaıǵyǵa jutylmaı, bas kóterýine Dımashtyń shyǵarmashylyǵy sebep bolypty.
"Men onyń ánderin kóp ret qaıtalap tyńdadym. Daýsyn tyńdaı otyryp, janymnyń bos keńistigin toltyryp, júregimniń aýyrǵanyn bastym. Meniń ómir súrýime qajetti elıksır. Dımashpen men ómirimniń ári qaraı jalǵasatynyn jáne ómir súrý kerektigin túsindim. Onyń tegin maǵan jasaǵan bar jaqsylyǵy úshin alamyn. Ómirimde paıda bolǵany úshin Dımashqa alǵysym sheksiz", - dep bólisti Krıstına.
Áıeldiń aıtýynsha, Dımash onyń júregin, al ol Dımashtyń tegin urlaǵan.
“Adyrna” ulttyq portaly
