«ءبىز بىرگەمىز Fest»: كەنجەبەك نۇردولدايعا 2 بولمەلى پاتەر كىلتى تابىستالدى

3053
Adyrna.kz Telegram

استانادا «ءبىز بىرگەمىز Fest» اتتى مۋزىكالىق قايىرىمدىلىق فەستيۆالى ءوتتى. وندا الەمگەتانىمال ءانشى ديماش قۇدايبەرگەن جانە باسقادا قازاقستاندىق ەسترادا جۇلدىزدارى مەن مۇگەدەكتىگى بار ارتىستەر ءوز ونەرلەرىن كورسەتتى.

ءىس-شاراعا پارلامەنت سەناتىنىڭ توراعاسى ماۋلەن اشىمباەۆ قاتىستى. ول ءوز سوزىندە بالالاردىڭ ءال-اۋقاتى، ولاردىڭ ينتەللەكتۋالدىق، شىعارماشىلىق جانە رۋحاني دامۋى ۇلتىمىز ءۇشىن ماڭىزدى باسىمدىقتار ەكەنىن ايتتى.

«قازىرگى تاڭدا ەلىمىزدە مەملەكەتتىڭ الەۋمەتتىك ساياساتىنىڭ باسىمدىقتارى تۋرالى تۇسىنىك وزگەرىپ جاتىر. ادىلەتتى قازاقستان دەگەنىمىز - ەڭ الدىمەن، ينكليۋزيۆتى قازاقستان. ءبىز كومەككە مۇقتاج ءار ازامات، ءار بالا مەملەكەتتىڭ قامقورلىعىن سەزىنۋگە ءتيىس قوعامقۇرىپ جاتىرمىز. مەملەكەت باسشىسى قاسىم-جومارت كەمەلۇلى توقاەۆ وسىنداي مىندەت جۇكتەپ وتىر. سوندىقتان مەملەكەتەرەكشە قاجەتتىلىگى بار ادامداردى قولداپ، كەدەرگىسىز ورتا جانە ينكليۋزيۆتى قوعام قالىپتاستىرۋ ءۇشىن ءتيىستى جۇمىستى جالعاستىرا بەرەدى»، – دەدى ماۋلەن اشىمباەۆ.

وتكەن قايىرىمدىلىق كونتسەرتىنەن جينالعان قاراجات جاڭادان اشىلىپ جاتقان ء“بىز بىرگەمىز” رەابيليتاتسيالىق ورتالىعىنا مەديتسينالىق اپپاراتتار الىنادى.

“قايىرىمدىلىق قور 3 جىلدان بەرى مۇمكىندىگى شەكتەۋلى بالالارعا كومەكتەسىپ كەلەدى. ال بيىل بالالار جىلىنا وراي ەرەكشە تالانتتى جاستارىمىز بەن الەمگە كوك تۋىمىزدى جەلبىرەتىپ جۇرگەن جۇلدىزدارىمىزدىڭ باسىن بىرىكتىرىپ، ۇلكەن ارەنادا كونتسەرت ۇيىمداستىرۋدامىز” -, دەدى قور باسشىسى پەريزات قايراتقىزى.

كونتسەرتكە ارنايى كەلگەن تۋا بىتكەن زاعيپ جان كەنجەبەك نۇردولدايدىڭ اناسىنا ساحنادا 2 بولمەلى پاتەردىڭ كىلتى تابىستالدى. تيك-توك الەۋمەتتىك جەلىسى ارقىلى تانىلعان ەرەكشە داۋىس يەسى كەنجەبەك نۇردولداي  سوڭعى ۋاقىتتا رەسەيلىك تەلەارنالاردان دا ءجيى كورىنىپ ءجۇر.

قازىر قايىرىمدى جاندار وتە كوپ. ەرەكشە تالانتىڭمەن تانىلساڭ حالىق اراسىنان ارقاڭنان قاعاتىندار تابىلادى. ەڭ باستىسى ەڭبەك ەتسەڭ، اللا ارى قاراي جولىن كورسەتەدى” -, دەيدى جاس ءانشى.

ەرەكشە جانداردى قولداۋ ارقىلى ادامداردىڭ جانىنا جىلۋلىق سىيلاۋ – باستى ماقساتىمىز دەپ ساحنادا كوز جاسىنا ەرىك بەرە ءسوز العان  پەريزات تاعى ءبىر وتباسىعا  1 بولمەلى پاتەردىڭ كىلتىن تابىس ەتتى. 3 ايلىق بالاسىمەن تاكسي جۇرگىزۋشىسى بولىپ ناپاقاسىن تاۋىپ جۇرگەن جالعىزباستى انا اسەل ءوز قۋانىشىن جاسىرا المادى.

فەستيۆال اياسىندا قاراقات ساز مەكتەبى، تامارا اسار، نازيما، مona Songs, Aidyn,  Alfa توبى سىندى انشىلەر دە قايىرىمدىلىققا اتسالىسقاندارىن قۋانا جەتكىزدى.

«بۇگىنگى كەشكە ارنايى شاقىرتۋمەن 100 جەتىگەنشى شاكىرتىممەن كونتسەرتتى اشىپ بەردىك. ءبىزدىڭ ماقساتىمىز بالالاردى ۇلتتىق ونەرگە باۋلۋ، اسىرەسە مۇمكىندىگى شەكتەۋلى بۇلدىرشىندەردى قولداۋعا قاشان دا دايىنبىز. وسىنداي يگى، ىزگى امالدار كوپ بولسا ەكەن» - دەگەن تىلەك ءبىلدىردى ءانشى قاراقات ءابىلدينا.

كوپكە تانىمال «5:32» سەريالىنىڭ اكتەرلەرى مانسۇر جانە قوبىلاندى دا ءىس-شارادان شەت قالمادى.

«جاستار جاقسىلىق جاساپ جارىسىپ جاتىر. اتا-بابامىزدان كەلە جاتقان مەيىرىمدىلىك قاسيەتىمىزدى جوعالتپاي، دامىتا بەرەيىك» - دەيدى ولار.

قايىرىمدىلىق دەگەن قاراڭعىدان جارىق ساۋلە ىزدەگەندەي عوي. جاس كەزىمدە ءوزىم دە وسى كەزەڭنەن ءوتتىم. سوندىقتان وسىنداي كەشتەردە ءان شىرقاسام تەبىرەنىپ كەتەمىن.” -, دەپ تامارا اسار اسەرىمەن ءبولىستى.

كەش سوڭىندا جوبانىڭ باستى قوناعى ديماش قۇدايبەرگەن ونەر كورسەتىپ، ەرەكشە قولداۋ ءبىلدىردى. ديماشتى كورەرمەن ىستىق ىقىلاسپەن قارسى الىپ، اندەرىن ءبىر دەممەن تىڭدادى.

 “بۇگىنگى كەشتىڭ ۇيىمداستىرۋشىلارىنا العىس بىلدىرەمىن. جۇرەكتەرىڭىزدەگى مەيىرىمدىلىك وتى سونبەسىن. ەلىمىز ارقاشان بىرلىكتە بولسىن. ەڭ باستىسى سابيلەرىمىز جىلاماسا ەكەن، اۋىرماسا ەكەن دەگەن تىلەگىم بار.   ۇلكەن مەرەكەلەردە اماندىقتا، تىنىشتىقتا قاۋىشا بەرەيىك.”-, دەيدى ديماش.

شارانى Biz Birgemiz Qazaqstan قوعامدىق قورى جانە استانا قالاسىنىڭ اكىمدىگى ۇيىمداستىردى.

"ادىرنا" ۇلتتىق پورتالى

پىكىرلەر