الەمگە ايگىلى ديماش قۇدايبەرگەن YouTube-تەن «التىن باتىرما» الدى، دەپ حابارلايدى "ادىرنا" ۇلتتىق پورتالى.
ءانشى ءوز ينستاگرام پاراقشاسىندا قۋانىشتى جاڭالىعىمەن ءبولىسىپ، جازبا قالدىردى.
"سالەمەتسىزدەر مە، قۇرمەتتى دوستار! قۇرمەتتى دوستار بۇل بەينەجازبانى تۇسىرگەندەگى ماقساتىم سىزدەرگە العىس ايتۋ. ءبىزدىڭ يۋتۋب ارنامىزدىڭ وقىرماندار، كورەرمەندەر سانى ميلليوننان اسىپ، يۋتۋبتان وسىنداي تاماشا ماراپاتقا يە بولىپ جاتىرمىز. ەڭ الدىمەن مەنىڭ كىشىگىرىم ونەرىمە باعا بەرىپ، ارقاشان دا وسى بالانىڭ بولاشاعى جارقىن بولسىنشى دەپ تىلەۋىمدى تىلەپ وتىرعان، ءاربىر الەم بويىنشا تىڭدارماندارىما شىن جۇرەكتەن مىڭ مارتە راقمەت ايتقىم كەلەدى. وسى ءساتتى پايدالانىپ مەنىڭ شىعارماشىلىعىما ەرەكشە اتسالىسىپ جۇرگەن، ءاربىر، مەنىمەن جۇمىس جاساپ جاتقاندارعا ەرەكشە العىس ايتقىم كەلەدى. مەنىڭ ۇجىمىما، مەنەدجەرلەرىمە، ارينە اتا-اناما، تۋعان-تۋىس، اعايىن-باۋىرلارىما، جەرلەستەرىمە العىس ايتقىم كەلەدى", -دەيدى ديماش قۇدايبەرگەنوۆ.
