رينات كەرتاەۆ "امانات" پارتياسىنىڭ حاتشىسى بولىپ تاعايىندالدى

953

رينات كەرتاەۆ «امانات» پارتياسىنىڭ حاتشىسى بولىپ سايلاندى، - دەپ حابارلايدى "ادىرنا" ۇلتتىق پورتالى.

پارتيا توراعاسى قاسىم-جومارت كەمەلۇلى توقاەۆتىڭ شەشىمىمەن رينات دۋمانۇلى كەرتاەۆ «امانات» پارتياسىنىڭ حاتشىسى بولىپ تاعايىندالدى.

رينات كەرتاەۆ 1983 جىلى 23 ساۋىردە جامبىل وبلىسى، قورداي اۋدانى، قاراكەمەر اۋىلىندا دۇنيەگە كەلگەن.

2006 جىلدان باستاپ «حابار» اگەنتتىگىندە جۇمىس ىستەدى. 2022 جىلدىڭ اقپان ايىنان بەرى كەرتاەۆ اگەنتتىكتىڭ باسقارما توراعاسىنىڭ مىندەتىن اتقارۋشى بولدى.

«امانات» پارتياسىنىڭ جاڭا لوگوتيپى تانىستىرىلدى

1 ناۋرىزدا وتكەن «نۇر وتان» پارتياسىنىڭ سەزىندە ءماجىلىس توراعاسى ەرلان قوشانوۆ پارتيانىڭ اتىن امانات دەپ وزگەرتۋ تۋرالى ۇسىنىسىن ايتتى. «نۇر وتان» پارتياسىنىڭ توراعاسى قاسىم-جومارت توقاەۆ بۇل ۇسىنىستى قولدادى.

اۋدارمادا امانات ءسوزى بابالار وسيەتى، كەلەشەك ۇرپاققا امانات دەگەن ماعىنانى بىلدىرەدى.امانات – حالقىمىزدىڭ مادەنيەتىندە ەرەكشە ماعىناسى بار تەرەڭ ۇعىم. ول تاۋەلسىزدىكتىڭ وشپەس مۇراتتارىن، قۇندىلىقتارىن بىلدىرەدى. اتا-بابامىز امانات ەتىپ قالدىرعان مەملەكەتتىلىگىمىز، ۇلتتىق بىرلىگىمىز، ۇلان-عايىر ولكەمىز. ءبىز وسى باعا جەتپەس مۇرانى ساقتاپ، نىعايتۋعا ءتيىسپىز. بۇل ءبىزدىڭ وتكەن جانە بولاشاق ۇرپاق اراسىنداعى قاسيەتتى پارىزىمىز»، - دەدى توقاەۆ.

"ادىرنا" ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket