Rınat Kertaev «Amanat» partııasynyń hatshysy bolyp saılandy, - dep habarlaıdy "Adyrna" ulttyq portaly.
Partııa tóraǵasy Qasym-Jomart Kemeluly Toqaevtyń sheshimimen Rınat Dýmanuly Kertaev «Amanat» partııasynyń hatshysy bolyp taǵaıyndaldy.
Rınat Kertaev 1983 jyly 23 sáýirde Jambyl oblysy, Qordaı aýdany, Qarakemer aýylynda dúnıege kelgen.
2006 jyldan bastap «Habar» agenttiginde jumys istedi. 2022 jyldyń aqpan aıynan beri Kertaev agenttiktiń basqarma tóraǵasynyń mindetin atqarýshy boldy.
«Amanat» partııasynyń jańa logotıpi tanystyryldy
1 naýryzda ótken «Nur Otan» partııasynyń sezinde Májilis tóraǵasy Erlan Qoshanov partııanyń atyn Amanat dep ózgertý týraly usynysyn aıtty. «Nur Otan» partııasynyń tóraǵasy Qasym-Jomart Toqaev bul usynysty qoldady.
Aýdarmada amanat sózi babalar ósıeti, keleshek urpaqqa amanat degen maǵynany bildiredi.Amanat – halqymyzdyń mádenıetinde erekshe maǵynasy bar tereń uǵym. Ol táýelsizdiktiń óshpes murattaryn, qundylyqtaryn bildiredi. Ata-babamyz amanat etip qaldyrǵan memlekettiligimiz, ulttyq birligimiz, ulan-ǵaıyr ólkemiz. Biz osy baǵa jetpes murany saqtap, nyǵaıtýǵa tıispiz. Bul bizdiń ótken jáne bolashaq urpaq arasyndaǵy qasıetti paryzymyz», - dedi Toqaev.
"Adyrna" ulttyq portaly
