اقش پرەزيدەنتى دونالد ترامپ ورتالىق ازيا ەلدەرىنە قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
اق ءۇي ۆاشينگتوندا وتكەن C5+1 فورماتىنداعى سامميت ناتيجەسىندە اقش، قازاقستان جانە ورتالىق ازيا ەلدەرى اراسىنداعى جاڭا كەزەڭنىڭ باستالعانىن مالىمدەدى.
«كەشە مەن ءۇشىن اق ۇيدە بەس تاماشا ەلدەردىڭ پرەزيدەنتتەرىمەن سامميت وتكىزۋ — ۇلكەن مارتەبە بولدى. قازاقستاننان — قاسىم-جومارت توقاەۆ، وزبەكستاننان — شاۆكات ميرزيوەۆ، تاجىكستاننان — ەمومالي راحمون، قىرعىزستاننان — سادىر جاپاروۆ جانە تۇرىكمەنستاننان — سەردار بەردىمۇحامەدوۆ كەلدى»، — دەدى ترامپ ءوز جازباسىندا.
اقش پرەزيدەنتىنىڭ ايتۋىنشا، سوڭعى وتىز جىل ىشىندە ونىڭ الدىنداعى اكىمشىلىكتەر ورتالىق ازيا ەلدەرىنە ءتيىستى دەڭگەيدە نازار اۋدارماعان.
ال ءوزى بۇل «ولقىلىقتىڭ ورنىن تولتىرۋعا» نيەتتى ەكەنىن جەتكىزدى.
«C5+1 پلاتفورماسىنىڭ 10 جىلدىعىنا وراي ءبىز ميللياردتاعان دوللارعا كوممەرتسيالىق كەلىسىمدەرگە قول قويدىق. بۇل اۆياتسيا، مينەرالدار، اۋىل شارۋاشىلىعى، تەمىر جول، اۆتوموبيل جاساۋ جانە تەحنولوگيا سەكتورىنداعى ونداعان مىڭ امەريكالىق جۇمىس ورنىن قامتاماسىز ەتەدى. سامميت قۇراما شتاتتار مەن ورتالىق ازيا ەلدەرى اراسىنداعى قارىم-قاتىناسقا جاڭا سەرپىن بەردى»، — دەپ تۇيىندەدى ول.
