ەكى قازاقستاندىقتىڭ قازا تابۋى ەلدەر اراسىنداڭى قارىم-قاتىناسقا ەشقانداي اسەر ەتپەيدى، دەپ حابارلايدى "ادىرنا" ءتىلشىسى.
رەسەي فەدەرالدىق قاۋىپسىزدىك قىزمەتى مەن قىلمىسكەرلەر اراسىنداعى اتىس كەزىندە ەكى قازاقستاندىق قازا تاپقانى تۋرالى اقپارات تاراعان بولاتىن.
قازاقستان رەسپۋبليكاسى سىرتقى ىستەر مينيسترلىگىنىڭ رەسمي وكىلى ايبەك سمادياروۆ بۇل جاعدايدىڭ قازاقستان مەن رەسەي اراسىنداعى بايلانىسقا ەش اسەر ەتپەيتىنىن ايتتى.
ال رەسەيدىڭ ارنايى قىزمەتتى لاڭكەستىك ارەكەتتىڭ الدىن الدىق دەيدى. فقق مالىمەتىنشە،
«ۆيلايات حوراسان» توبىنىڭ (يسلام مەملەكەتىنىڭ اۋعانستاندىق تارماعى بولۋى مۇمكىن) مۇشەلەرى ماسكەۋدەگى سيناگوگاعا قارۋلى شابۋىل جاساماق بولعان", - دەپ جازادى ASTRA Telegram ارناسى.
ارنايى قىزمەت تاراتقان ۆيدەودا اتىس كەزى تۇسىرىلمەگەن. تەك كالاشنيكوۆ اۆتوماتتارى مەن ونىڭ قاسىندا جاتقان مايىتتەردىڭ بەينەسى تارادى.
بۇعان دەيىن رەسەيدە ارنايى قىزمەت "لاڭكەستىككە وقتالدى" دەگەن 2 قازاقستاندىقتىڭ قايتىس بولۋىنىڭ قانشالىقتى راس ەكەنى تۋرالى اقپارات جاريالاعان بولاتىنبىز.
