پرەمەر مينيستر ءاليحان اسقانۇلى سمايىلوۆتىڭ قول ساعاتى ەلدىڭ اۋزىندا ءجۇر. بىرنەشە مىڭ دوللار تۋرادى دەگەن شۋلاعان حالىققا قر پرەمەر-ءمينيسترىنىڭ كەڭسەسى باسشىسىنىڭ ورىنباسارى رۋسلان جەلدىباي جاۋاپ بەردى، دەپ حابارلايدى "ادىرنا" ۇلتتىق پورتالى.
كوپشىلىك پرەمەر ءمينيستردىڭ قولىنداعى ساعاتتى 5000-8000 دوللار شاماسىندا باعالاعان بولاتىن. الايدا، كەڭسە باسىشىسىنىڭ ورىنباسارىنىڭ سوزىنشە ونىڭ باعاسى 383 دوللار تۇرادى.
"كەشە Telegram-كانالداردىڭ بىرىندە ءاليحان اسقانۇلى باعاسى $5,000-8,000 ارالىعىندا تۇراتىن Cartie Tank ساعاتىن تاعادى دەپ جازىپتى. شىنتۋايتىنا كەلگەندە، پرەمەر-ءمينيستردىڭ فوتوداعى ساعاتىنىڭ مودەلى Jacques Lemans, باعاسى شامامەن $383 تۇرادى. ءسوزىم دالەلدى بولۋ ءۇشىن فوتولاردى دا جۇكتەپ وتىرمىن" دەپ جازدى ول ءوزىنىڭ پوستىندا.
ۇقساس جاڭالىقتار
