ۇكىمەت باسشىسى ءاليحان سمايىلوۆ نۇرجان نۇرجىگىتوۆتىڭ نە ءۇشىن سۋ جانە يرريگاتسيا ءمينيسترى بولىپ تاعايىندالعانىن ءتۇسىندىردى، دەپ حابارلايدى “ادىرنا” ۇلتتىق پورتالى.
بۇگىن سەناتتىڭ جالپى وتىرىسىنان كەيىن تىلشىلەر ۇكىمەت باسشىسىنا «بيىل جامبىل وبلىسىندا سۋ تاپشىلىعىنا بايلانىستى 6 اۋداندا توتەنشە جاعداي جاريالاندى. وسى وبلىستى باسقارعان ازامات نۇرجان نۇرجىگىتوۆ سۋ ءمينيسترى بولىپ تاعايىندالعانى جۇرت اراسىندا ءار ءتۇرلى تۇسىنبەۋشىلىك تۋدىردى. مىسالى «سۋ تاپشىلىعىنا جاۋاپتى ادامنىڭ سۋ ءمينيسترى بولۋى قانشالىقتى قيسىندى بولدى؟» دەگەن سۇراق تۋدىردى. ءسىز وسىنى ءتۇسىندىرىپ بەرە الاسىز با؟» دەگەن سۇراق قويىلدى.
ءاليحان اسحانۇلى بيىل جامبىل وبلىسىندا ۆيگيتاتسيالىق كەزەڭ قيىن وتكەنىن، الايدا وعان بۇرىنعى اكىم ەمەس، تالاس پەن شۋدان كەلەتىن سۋدىڭ از بولۋى سەبەپ بولعانىن ايتتى.
«سوندىقتان جەرگىلىكتى اتقارۋشى ورگاندار وسى سۋدىڭ از بولۋىنا جانە ونىڭ سالدارىن ازايتۋعا بارىنشا جۇمىس جاسادى. بارىنشا جۇمىس جاسادى جانە سولاردىڭ ۇسىنىستارى بويىنشا ءبىز وڭىرلىك اپاتتىق بويىنشا توتەنشە جاعداي جاريالادىق. سولاردىڭ ۇسىنىستارى بويىنشا اپاتتان زارداپ شەككەن فەرمارلاردى ءبىز رەسپۋبليكالىق بيۋدجەتتىڭ رەزەرۆىنەن قاراجات ءبولىپ، ولاردىڭ شىعىندارىن وتەدىك. بارلىق اتقارىلعان جۇمىستىڭ ناتيجەسىندە جالپى جاعداي باقىلاۋدا بولدى جانە سالداردىڭ كەرى اسەرى بارىنشا ازايتىلدى. دەگەنمەن ءونىمنىڭ ءبىر بولىگى ءوندىرىلدى»، – دەدى ول.
ءجۋرناليستىڭ «نۇرجان مولديارۇلى سۋ پرەبلەماسىن شەشە الا ما؟ وعان ءوز باسىڭىز سەنەسىز بە؟» دەگەن قوسىمشا سۇراعىنا پرەمەر-مينيستر «سەنەمىز. سەنبەيتىن بولساق، ونى مينيستر ەتىپ تاعايىندايمىز با؟ ارينە، سەنەمىز جانە ول قازىر شەت ەلدىڭ وكىلدەرىمەن بەلسەندى جۇمىستارىن جۇرگىزىپ جاتىر. وزبەكستان، قىرعىزستان، رەسەي، تاجىكستانداعى ارىپتەستەرمەن جۇمىس ىستەپ جاتىر. مىسالى سول قىرعىزستان تاراپىمەن شۋ، تالاس وزەندەرىنىڭ سۋىن ءبولۋ پرينتسيپتەرى بويىنشا ءتيىستى كەلىسىمدەرگە قول جەتكىزدى. ەندى قازىر وعان باعا بەرۋ ەرتە دەپ ويلايمىن، كەلەسى سۋارۋ كەزەڭىنەن ءوتسىن، سول ۆيگيتاتسيالىق كەزەڭنىڭ ناتيجەسى بويىنشا باعا بەرۋگە بولادى. قازىر دايىندىق جۇمىستارىن جاساپ جاتىر» دەپ جاۋاپ بەردى.
