قازاقستان رەسپۋبليكاسىنىڭ پرەمەر-ءمينيسترى ءاليحان سمايىلوۆ مەملەكەت باسشىسىنىڭ تاپسىرماسى بويىنشا ەكونوميكالىق ىنتىماقتاستىق ۇيىمىنىڭ 16-شى سامميتىنە قاتىسۋ ءۇشىن وزبەكستانعا باردى، دەپ حابارلايدى “ادىرنا” ۇلتتىق پورتالى.
«وزبەكستان – قازاقستاننىڭ ەڭ ءىرى ساۋدا سەرىكتەستەرىنىڭ ءبىرى. ورتالىق ازياداعى بارلىق وڭىرلىك ساۋدانىڭ شامامەن 70%-ى ءبىزدىڭ ەلدەرگە تيەسىلى. وتكەن جىلدىڭ قورىتىندىسى بويىنشا تاۋار اينالىمى 30%-عا ارتىپ، العاش رەت $5 ملرد-قا جەتتى. ءبىز ءوزارا ساۋدانى $10 ملرد-قا جەتكىزۋ بويىنشا بەلسەندى جۇمىس جۇرگىزىپ جاتىرمىز»، — دەدى پرەمەر-مينيستر.
ءوز كەزەگىندە شاۆكات ميرزيوەۆ ەكى ەل اراسىنداعى ستراتەگيالىق ىنتىماقتاستىق، اتاپ ايتقاندا ساۋدا، كولىك جانە سۋ شارۋاشىلىعى سالاسىنداعى ۋاعدالاستىقتار جۇيەلى تۇردە جۇزەگە اسىرىلىپ جاتقانىن اتاپ ءوتتى.
