ءماجىلىس دەپۋتاتى بەرىك دۇيسەنبينوۆ 12 جەلتوقساندى قازاقستاندا «الاش كۇنى» دەپ رەسمي بەلگىلەپ، مەملەكەتتىك دەڭگەيدە اتاپ ءوتۋدى ۇسىندى. ول دەپۋتاتتىق ساۋالىن پرەمەر-مينيستر ءاليحان سمايىلوۆقا جولدادى، دەپ حابارلايدى “ادىرنا” ۇلتتىق پورتالى.
«بيىل الاش رەسپۋبليكاسىنىڭ قۇرىلعانىنا 105 جىل تولدى. 29 ماۋسىمدا «اق جول» فراكتسياسى بۇل داتانى مەملەكەتتىك دەڭگەيدە اتاپ ءوتۋدى تالاپ ەتكەن دەپۋتاتتىق ساۋال جولداعان. الايدا ۇكىمەت بۇل ماسەلەنى وكىلەتتى مينيسترلىكتەرگە تاپسىرعانى تۋرالى جۇرە جاۋاپ بەردى»، - دەدى بەرىك دۇيسەنبينوۆ ءماجىلىستىڭ جالپى وتىرىسىندا.
دەپۋتات دەپۋتات بۇل كۇنىن مەملەكەتتىك دەڭگەيدە اتاپ ءوتۋدى ۇسىندى.
«بۇل مەرەيلى كۇندى تەك الاشتانۋشىلار مەن ءبىزدىڭ «اق جول» پارتياسى عانا ءتۇرلى ءىس-شارا وتكىزىپ، اتاپ ءوتتى. بۇگىندە تاريحي ادىلدىكتى ورناتاتىن كۇن جەتتى دەپ سانايمىز. قۇرمەتتى ءاليحان اسحانۇلى! تاريح تاعىلىمىن ۇرپاققا ناسيحاتتاۋ ماقساتىندا «اق جول» فراكتسياسى الاشتانۋشى عالىمداردىڭ باستاماسىن قولداپ، تاۋەلسىزدىك كۇنىنىڭ قارساڭىنداعى 12 جەلتوقساندى – تاريحي قۇجاتتارمەن دالەلدەنگەن الاش رەسپۋبليكاسىنىڭ قۇرىلعان كۇنى رەتىندە «الاش كۇنى» دەپ رەسمي بەلگىلەۋدى جانە جىل سايىن مەملەكەتتىك دەڭگەيدە اتاپ ءوتۋدى سۇرايدى»، - دەدى ول.
