Táýelsizdik jyldary Mańǵystaý oblysynyń bilim salasynda birqatar joba kezeń-kezeńmen sátti iske asyrylyp, oń baǵyttaǵy eleýli ózgeristerge qol jetkizildi. 30 jylda óńirde 218 balabaqsha, 101 mektep, 17 kolledj ashyldy, dep habarlaıdy "Adyrna" ulttyq portaly Mańǵystaý oblysy ákiminiń baspasóz qyzmetine silteme jasap.
Mańǵystaý oblysynda mektepke deıingi bilim berý mekemesiniń sany 3 esege artty. 1991 jyly óńirde 113 balabaqsha jumys istese, 2021 jylǵa qaraı olardyń sany 331-ge jetti. Búginde óńirde 3 pen 6 jas arasyndaǵy balalardy balabaqshamen qamtý 100 paıyzdy qurap otyr.
Ótken ǵasyrdyń 90-shy jyldary oblysta 86-mektep jumys istese, egemendik alǵan 30 jyldabilim nysandarynyń sany 2 ese artyp, jańadan171 mektep ashyldy. Jýyrda qabyldanǵan Mańǵystaý oblysyn damytý keshendi josparyaıasynda aldaǵy 5 jylda 35 bilim berý nysanysalynady. Bıyldyń ózinde 2 memlekettik, 5 jekemenshik mektep ashyldy.
1991 jylmen salystyrǵanda kásiptik jáne tehnıkalyq bilim berý júıesinde de oń ózgerister bar. 1991 jyly oblysta 10 kolledj bolsa, Táýelsizdiktiń 30 jylynda onyń sany 3 ese artyp, búginde 27-ni qurap otyr. Memlekettik tapsyrys boıynsha bilim alatyn stýdentter sany da 3 ese kóbeıgen.
Óńirdiń damý qajettiligine oraı týrızm, aqparattyq tehnologııalar, halyqqa qyzmet kórsetý salalarynda eńbek etetin birneshe jańa mamandyqtar ashyldy. Búginde sol mamandyqty ıgergender ekonomıkanyń túrli salasynda tabysty eńbek etip, eldiń damýyna óz úlesterin qosýda. Bilim berý nysandarynyń kóbeıýine memlekettik-jekemenshiktik ınstıtýttyń damýy men bıznes sektor ınvestıııasynyń yqpaly zor.
-Táýelsizdiktiń alǵashqy jyldarymen salystyrǵanda, óńirdegi memlekettik tilde oqytatyn mektepter sany 3,5 esege artty. Búgingi tańda barlyq oqýshynyń 77%-y memlekettik tilde bilim alady. Sonymen qatar, sońǵy úsh jylda "Altyn belgi" ıegerleri 30%-ǵa, úzdik attestat ıegerleri 40 %-ǵa kóbeıdi. Óńirge qajetti mamandar daıyndaý maqsatynda 2018 jyldan beri 25 mamandyq túri boıynsha 485 stýdentke, 40 magıstrantqa oblys ákiminiń oqý granty berildi. Negizinen densaýlyq saqtaý, bilim berý jáne aýylsharýashylyǵy mamandyqtaryna basymdyq berilip otyr. Atalǵan oqý grantynyń sany jyl saıyn artyp otyr,- dedi Mańǵystaý oblystyq bilim basqarmasynyń basshysy Svetlana Tólebaeva.
"Adyrna" ulttyq portaly.
