تاۋەلسىزدىك تۇعىرى ورناعان 30 جىلدا ماڭعىستاۋدا بالاباقشالار سانى ءۇش ەسە ارتتى

1064

تاۋەلسىزدىك جىلدارى ماڭعىستاۋ وبلىسىنىڭ ءبىلىم سالاسىندا بىرقاتار جوبا كەزەڭ-كەزەڭمەن ءساتتى ىسكە اسىرىلىپ، وڭ باعىتتاعى ەلەۋلى وزگەرىستەرگە قول جەتكىزىلدى. 30 جىلدا وڭىردە 218 بالاباقشا، 101 مەكتەپ، 17 كوللەدج اشىلدى, دەپ حابارلايدى  "ادىرنا" ۇلتتىق پورتالى ماڭعىستاۋ وبلىسى اكىمىنىڭ ءباسپاسوز قىزمەتىنە سىلتەمە جاساپ.  

ماڭعىستاۋ وبلىسىندا مەكتەپكە دەيىنگى ءبىلىم بەرۋ مەكەمەسىنىڭ سانى 3 ەسەگە ارتتى. 1991 جىلى وڭىردە 113 بالاباقشا جۇمىس ىستەسە، 2021 جىلعا قاراي ولاردىڭ سانى 331-گە جەتتى. بۇگىندە وڭىردە 3 پەن 6 جاس اراسىنداعى بالالاردى بالاباقشامەن قامتۋ 100 پايىزدى قۇراپ وتىر.

 

وتكەن عاسىردىڭ 90-شى جىلدارى وبلىستا 86-مەكتەپ جۇمىس ىستەسە, ەگەمەندىك العان 30 جىلداءبىلىم نىساندارىنىڭ سانى 2 ەسە ارتىپ,  جاڭادان171 مەكتەپ اشىلدى.  جۋىردا قابىلدانعان ماڭعىستاۋ وبلىسىن دامىتۋ كەشەندى جوسپارىاياسىندا الداعى 5 جىلدا 35 ءبىلىم بەرۋ نىسانىسالىنادى. بيىلدىڭ وزىندە 2 مەملەكەتتىك, 5 جەكەمەنشىك مەكتەپ اشىلدى.

1991 جىلمەن سالىستىرعاندا كاسىپتىك جانە تەحنيكالىق ءبىلىم بەرۋ جۇيەسىندە دە وڭ وزگەرىستەر بار. 1991 جىلى وبلىستا 10 كوللەدج بولسا، تاۋەلسىزدىكتىڭ 30 جىلىندا ونىڭ سانى 3 ەسە ارتىپ، بۇگىندە 27-ءنى قۇراپ وتىر. مەملەكەتتىك تاپسىرىس بويىنشا ءبىلىم الاتىن ستۋدەنتتەر سانى دا 3 ەسە كوبەيگەن.

ءوڭىردىڭ دامۋ قاجەتتىلىگىنە وراي تۋريزم، اقپاراتتىق تەحنولوگيالار، حالىققا قىزمەت كورسەتۋ سالالارىندا ەڭبەك ەتەتىن بىرنەشە جاڭا ماماندىقتار اشىلدى. بۇگىندە سول ماماندىقتى يگەرگەندەر ەكونوميكانىڭ ءتۇرلى سالاسىندا تابىستى ەڭبەك ەتىپ، ەلدىڭ دامۋىنا ءوز ۇلەستەرىن قوسۋدا. ءبىلىم بەرۋ نىساندارىنىڭ كوبەيۋىنە مەملەكەتتىك-جەكەمەنشىكتىك ينستيتۋتتىڭ دامۋى مەن بيزنەس سەكتور ينۆەستيتسياسىنىڭ ىقپالى زور.

-تاۋەلسىزدىكتىڭ العاشقى جىلدارىمەن سالىستىرعاندا، وڭىردەگى مەملەكەتتىك تىلدە وقىتاتىن مەكتەپتەر سانى 3,5 ەسەگە ارتتى. بۇگىنگى تاڭدا بارلىق وقۋشىنىڭ 77%-ى مەملەكەتتىك تىلدە ءبىلىم الادى. سونىمەن قاتار، سوڭعى ءۇش جىلدا "التىن بەلگى" يەگەرلەرى 30%-عا، ۇزدىك اتتەستات يەگەرلەرى 40 %-عا كوبەيدى. وڭىرگە قاجەتتى ماماندار دايىنداۋ ماقساتىندا 2018 جىلدان بەرى 25 ماماندىق ءتۇرى بويىنشا 485 ستۋدەنتكە، 40 ماگيسترانتقا وبلىس اكىمىنىڭ وقۋ گرانتى بەرىلدى. نەگىزىنەن دەنساۋلىق ساقتاۋ، ءبىلىم بەرۋ جانە اۋىلشارۋاشىلىعى ماماندىقتارىنا باسىمدىق بەرىلىپ وتىر. اتالعان وقۋ گرانتىنىڭ سانى جىل سايىن ارتىپ وتىر,- دەدى ماڭعىستاۋ وبلىستىق ءبىلىم باسقارماسىنىڭ باسشىسى سۆەتلانا تولەباەۆا.

 

"ادىرنا" ۇلتتىق پورتالى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket