Mańǵystaýda paıdalanylmaı jatqan 356 myń gektardan astam aýyl sharýashylyǵy jeri memleket menshigine qaıtaryldy. Bul týraly Mańǵystaý oblysy ákiminiń baspasóz qyzmeti málimdedi, dep habarlaıdy “Adyrna” ulttyq portaly.
Óńir basshysynyń tapsyrmasymen aýyl sharýashylyǵy maqsatyndaǵy jerlerdi paıdalanýdy qadaǵalaıtyn jumys toby quryldy. Aldyn ala júrgizilgen saraptama qorytyndysy boıynsha oblysta 973 myń gektar aýyl sharýashylyǵy jeri anyqtalǵan. Onyń 356 myń gektardan astamy memleket menshigine qaıtarylǵan.
Atap aıtqanda, mynalar memleket menshigine qaıtaryldy:
Túpqaraǵan aýdany – 85,3 ga
Munaıly aýdany – 26,09 ga
Beıneý aýdany – 33,8 ga
Qaraqııa aýdany – 171,8 ga
Mańǵystaý oblysy – 39,6 ga
Jańaózen - 10 ga.
Monıtorıng nátıjesinde ıgerilmeı jatqan aýyl sharýashylyǵy jerleriniń basym bóligi «Senek» JShS (288 946 ga), «Taýshyq» JShS (247 633 ga) jáne «Qaraǵantúbek» (212 192 ga) jerlerine tıesili ekeni anyqtaldy. Monıtorıng, tekserýden keıin «Senek» JShS 168 946 gektar, «Taýshyq» JShS 70 myń gektar jerdi óz erkimen memleketke qaıtardy.
Sonymen qatar jospardan tys tekserý týraly habarlamadan keıin jeriniń jalpy kólemi 67 787 ga bolatyn 85 jer paıdalanýshy qolda bar malyn ISJ bazasyna tirkedi.
«Memlekettik qorda 8 mıllıon 667 myń gektar jaıylymdyq jer bar. Óńirde aýyl turǵyndary bosalqy jerler, sondaı-aq jaqyn mańdaǵy aýyl sharýashylyǵy uıymdarynyń esebinen mal jaıylymymen qamtamasyz etilgen. Eldi mekenderdi jaıylymdyq jerlermen qamtýda ótkir problemalar joq. Degenmen eldi mekenderdiń aýmaǵyn keńeıtý arqyly qosymsha jaıylymdyq jerlermen qamtamasyz etý josparlanýda. Qazirgi tańda alystaǵy jaıylymdyq jerlerdi de aýyl sharýashylyǵy aınalymyna tartý, halyqqa paıdalaný máseleleri pysyqtalýda», – deıdi Mańǵystaý oblysy jer resýrstaryn basqarý departamentiniń basshysy Qaharman Baǵynov.
Barlyq qaıtarylǵan jerler endi Aýyl sharýashylyǵy mınıstrligi men ıfrlyq damý jáne aeroǵarysh mınıstrligi birlesip ázirlegen geoservıste kórsetiledi.
Interaktıvti karta azamattarǵa kez kelgen ýaqytta qaıtarylǵan aýyl sharýashylyǵy jerleri boıynsha monıtorıngti júzege asyrýǵa múmkindik beredi jáne osy ýchaskelerdi alý maqsatynda jergilikti atqarýshy organdarǵa ótinish berý úshin baǵdar bolady. Bul jyldar boıy paıdalanylmaǵan aýylsharýashylyq jerlerin aınalymǵa tartýǵa, sondaı-aq turǵyndardy aýyl sharýashylyǵy úshin qajetti alańdarmen qamtamasyz etýge múmkindik beredi.
