Sátbaev qalasynda bes jasar qyzdy zorlaý isi boıynsha sottalǵandar sot sheshimin ózgertýdi surap, appelıaııalyq shaǵym túsirdi. Erli-zaıyptylar úkimdi jeńildetýin ótinedi, dep habarlaıdy "Adyrna" ulttyq portaly.
Qaraǵandy oblystyq sotyna Sátbaevta bes jasar qyz balany qorlaý isi boıynsha sottalǵan erli-zaıyptylardan úkimdi jeńildetý týraly appelıaııalyq shaǵymdar kelip tústi.
- Sottalǵandar appelıaııaǵa berdi. Alaıda sot jabyq proesti qaraý satysynda túsinikteme bere almaıdy», - dep túsindirdi Qaraǵandy oblystyq sotynyń baspasóz qyzmeti.
Sottyń baspasóz qyzmetiniń habarlaýynsha, is jynystyq qolsuǵýshylyqqa qatysty bolǵandyqtan, tyńdaý jabyq rejımde ótedi.
- Proess jabyq ótýine baılanysty sot isti qaraý kezinde pikir bildire almaıdy, - dep habarlady sottyń baspasóz qyzmeti. Is qorytyndysy boıynsha qabyldanǵan sheshim týraly aqparat jarııalanady.
Eske sala keteıik, byltyr 24 shildege qaraǵan túni Sátbaev qalasynda aýyr qylmys jasaldy. Qalalyq polıııa bólimine bes jasar qyzdyń ákesi aryzdanyp, balasynyń joǵalǵanyn habarlady. Osydan keıin izdeý sharalary bastaldy. Jergilikti polıııanyń jeke quramy tartyldy. Júzdegen erikti de qyzdy izdeýge shyqty. Nátıjesinde 5 jasar bala kópqabatty úıdegi páterlerdiń birinen tabylǵan bolatyn.
Iske baılanysty alqabıler soty erli-zaıyptyny Qylmystyq kodekstiń 121-baby ("Seksýaldyq sıpattaǵy zorlyq-zombylyq áreketteri"), 120-baby ("Zorlaý") jáne 106-baby ("Densaýlyqqa qasaqana aýyr zııan keltirý") boıynsha kináli dep tanydy.
Er adamnyń mas kúıinde qylmys jasaýy jaǵdaıy aýyrlatý retinde tirkeldi. Sottalýshyǵa ómir boıy bas bostandyǵynan aıyrý jazasy taǵaıyndaldy. Onyń jubaıyna qylmystardyń jıyntyǵy boıynsha pedagogıkalyq laýazymdy jáne kámeletke tolmaǵandarmen jumys isteýge baılanysty laýazymdy atqarý quqyǵynan ómir boıyna aıyra otyryp, 22 jylǵa bas bostandyǵynan aıyrý jazasy taǵaıyndaldy.
Aıta keteıik, byltyr 6 qazanda Qaraǵandy qalasynyń tergeý ızolıatorynda úshinshi kúdiktiniń óli denesi tabyldy. Ol óz-ózine qol saldy.
"Adyrna" ulttyq portaly
