Eks-mádenıet mınıstri Arystanbek Muhamedıulyna tıesili sý jáne qoldanbaly sport túrleri boıynsha respýblıkalyq joǵary sport sheberligi mektebi memleketke qaıtaryldy, dep habarlaıdy “Adyrna” ulttyq portaly.
Tengrinews.kz agenttiginiń aqparatyna sáıkes, Almaty qalasy Jetisý aýdany prokýratýrasynyń talap-aryzy boıynsha quny 1,2 mıllıard teńge bolatyn memlekettik múlik qaıtaryldy.
17 shilde kúni Almaty qalasynyń Mamandandyrylǵan aýdanaralyq ekonomıkalyq sotynyń sý jáne qoldanbaly sport túrleri boıynsha Respýblıkalyq joǵary sport sheberligi mektebin satý jónindegi mámileni jaramsyz dep taný týraly sheshimi zańdy kúshine endi.
Conymen qatar, sotta nysannyń naryqtyq qunyn 551 mln teńgege tómendetý kórinis tapqan zań buzýshylyqtar rastaldy.
Ákimshilik ǵımarattardyń, sport zaldarynyń jáne basqa da qurylystardyń 7,6 myń m2, sondaı-aq 4,9 ga jerdi quraıtyn mekteptiń múlkine, Arystanbek Muhamedıulymen affılırlengen tulǵalarǵa tıesili "Nomad's Land" JShS ıelik etken.
Eske sala ketsek, Arystanbek Muhamedıuly buǵan deıin eki is boıynsha aıypty dep tanyldy. Aldymen Ulttyq mýzeıdegi jemqorlyq deregi boıynsha 8 jyl arqalady, keıin sol jazany jeńildetý úshin advokaty arqyly para berip, taǵy aıypty dep tanyldy. Alǵashyndaǵy segiz jyl jazasyna taǵy úsh jyl qosylyp, 11 jylǵa sottaldy. Sot úshinshi is boıynsha da kináli dep tapqannyń ózinde, taǵy 12 jyl jaza qosylmaıdy. Zań boıynsha, aıyptalýshy kesilgen úsh jazanyń ishindegi eń aýyryn óteýge tıis.
