Almaty äskeri sotynda Qaŋtar oqiǧasy kezınde oqqa ūşyp qaza tapqan tört jasar Aikörkem Meldehanǧa qatysty ıs boiynşa aldyn ala tyŋdau bastaldy, dep jazady "Adyrna".
Aiyptaluşy – äskeri qyzmetker Arman Jūman. Oǧan «auyr zardaptarǧa äkep soqtyrǧan bilıktı asyra paidalandy» degen aiyp taǧylyp otyr.
Prosess jurnalisterdıŋ, tıptı jäbırlenuşınıŋ tuystarynyŋ qatysuynsyz jabyq esık jaǧdaiynda ötedı. Sebebı qozǧalǧan ıs «memlekettık qūpiialarǧa qatysy bar» dep atalady.
Aikörkemnıŋ äkesı Aidos Meldehannyŋ sözınşe, sotqa balasy kırgen.
“Ūlym äskeri qyzmetker, sondyqtan rūqsat qaǧazy bar. Bıraq ol da jäbırlenuşı. Men balalarymnyŋ zaŋdy ökılımın, alaida menı sotqa kırgızbedı. Bır jarym jylda ıspen de tanystyrmady”, - deidı Aidos Meldehan.
Būǧan deiın jäbırlenuşı jaqtyŋ advokaty "tergeu organdary säbidıŋ ölımıne jauaptylardy jazadan qūtqarǧysy keledı" dep sanaitynyn aitqan. Balalar otyrǧan kölıkke oq jaudyrǧan adamdar būl ıske kuäger retınde qatysqan.
Eske salsaq, tört jasar Aikörkem Meldehan 7 qaŋtarda äkesınıŋ kölıgınde qaitys bolǧan. Oq qyzdyŋ basyna tiıp, ol sol jerde jan tapsyrǧan. Būl kezde kölıkte onyŋ aǧasy men äpkesı bolǧan, olar da jaraqat alǧan.
Ūqsas jaŋalyqtar
