Almaty áskerı sotynda Qańtar oqıǵasy kezinde oqqa ushyp qaza tapqan tórt jasar Aıkórkem Meldehanǵa qatysty is boıynsha aldyn ala tyńdaý bastaldy, dep jazady "Adyrna".
Aıyptalýshy – áskerı qyzmetker Arman Juman. Oǵan «aýyr zardaptarǵa ákep soqtyrǵan bılikti asyra paıdalandy» degen aıyp taǵylyp otyr.
Proess jýrnalısterdiń, tipti jábirlenýshiniń týystarynyń qatysýynsyz jabyq esik jaǵdaıynda ótedi. Sebebi qozǵalǵan is «memlekettik qupııalarǵa qatysy bar» dep atalady.
Aıkórkemniń ákesi Aıdos Meldehannyń sózinshe, sotqa balasy kirgen.
“Ulym áskerı qyzmetker, sondyqtan ruqsat qaǵazy bar. Biraq ol da jábirlenýshi. Men balalarymnyń zańdy ókilimin, alaıda meni sotqa kirgizbedi. Bir jarym jylda ispen de tanystyrmady”, - deıdi Aıdos Meldehan.
Buǵan deıin jábirlenýshi jaqtyń advokaty "tergeý organdary sábıdiń ólimine jaýaptylardy jazadan qutqarǵysy keledi" dep sanaıtynyn aıtqan. Balalar otyrǵan kólikke oq jaýdyrǵan adamdar bul iske kýáger retinde qatysqan.
Eske salsaq, tórt jasar Aıkórkem Meldehan 7 qańtarda ákesiniń kóliginde qaıtys bolǵan. Oq qyzdyń basyna tıip, ol sol jerde jan tapsyrǵan. Bul kezde kólikte onyń aǵasy men ápkesi bolǵan, olar da jaraqat alǵan.
