Jūrt ışınde sarai aqyny degen atpen tanymal aqyn Baltabek Nūrǧaliev halyqtan keşırım sūrap, öz feisbuk paraqşasynda jazba qaldyrdy. Būl turaly "Adyrna" ūlttyq portaly habarlaidy.
Esterıŋızge sala keteiık, osydan bırer jyl būryn Baltabek Nūrǧaliev esımdı atyşuly aqyn özın qazaqtyŋ ūly aqyny ärı oişyly Abai Qūnanbaiūlynan da biık sanaitynyn aityp, «Mäsele» baǧdarlamasynda aǧynan jarylǧan edı.
- Bükıl qazaq menı oqyp jür. Orystıldı bolsyn, qazaqtıldı bolsyn jäne basqa tıldegı aqyndardyŋ ışındegı, qazaqstandyq poeziiadaǧy eŋ köp oqylatyn aqyn, ol – menmın. Eşkım basqa aqyndardy üiınde tyǧylyp, jastanyp, är ärpımdı, är buynymdy sanap, menı oqyǧandai oqymaidy. Qazaq poeziiasynda nömırı bırınşı bolyp men tūrmyn dep esepteimın. Men oǧan senımdımın, - dedı Baltabek aqyn.Al, jürgızuşınıŋ «Abaidyŋ aldyna şyǧyp ketken joqsyz ba?» degen kelesı sūraǧyna:
- Oqylym jaǧynan Abaidyŋ da aldyna şyǧyp kettım dep esepteimın, - degen edı eş şımırıkpesten Baltabek aqyn.Arada ekı jylǧa juyq uaqyt ötken soŋ Baltabek aqyn «bigınen» tüsıp, qatelıgı üşın halyqtan keşırım sūrady.
- Qūrmettı qazaqstandyqtar, ızgı bauyrlar! Men bügın Abaidyŋ menen de köp oqylatyn aqyn ekenıne közım jettı. Moiyndadym. Jalǧyz Abai ǧana emes, jalpy qazaq ädebietındegı barlyq aqyndar menen köp oqylady. Men älemdegı eŋ soŋǧy aqynmyn. Qazaqstandyq poeziiadaǧy, orys tıldı bolsyn, qazaq tıldı bolsyn, jalpy basqa tılderdegı aqyndardyŋ ışındegı eŋ az oqylatyn aqyn, ol – menmın. Qazaq poeziiasynda az oqylu jaǧynan nömırı bırınşı bolyp men tūrmyn dep esepteimın. Abaidyŋ öleŋı de, de özı de menen alda. Men oqylym jaǧynan da, basqa ūlylyq jaǧynan da, jaŋaşyldyq jaǧynan da Abaidyŋ aldyna şyǧyp ketken joqpyn. Qatelıgım üşın qoǧamnan keşırım sūraimyn, - dep aǧynan jaryldy.Sarai aqyny atanyp ketken Baltabek aqynnyŋ būl jazbasyna jazylyp jatqan pıkırler de köp eken.
"Adyrna" ūlttyq portaly
Ūqsas jaŋalyqtar
