Belgili aqyn Svetqalı Nurjan áleýmettik jelidegi paraqshasynda Qazaqstanda maýsym kúni ótken referendýmǵa baılanysty jazǵan Muhametjan Tazabektiń óleńin synap jazdy, dep habarlaıdy “Adyrna” ulttyq portaly.
«Tómendegi betpaq shatqan shatpaq álem-jálemde “hıt” bolyp jatyr eken. Náıeti, osy adamnan azǵan páleketterge sóz shyǵyndaý aýzyma qanshalyqty ylaıyq dep oılaýǵa da bolar edi, biraq bulardyń Otanymyzǵa salǵan 30 jyldyq ylańy jáne sheksiz arsyzdyǵymen taǵy da qazaqty aqymaq kórip, aldamaq bolyp, sóıtip ár jer, ár jerden jyltyńdap kóringisi, jaǵynǵysy, taǵy sanatqa engisi, sapqa kirgisi kelip turatyn sumpaıylyqtary júrekti aınytady! Al aınyǵan júrekten qaı bir ońǵan óleń shyqsyn?! Bul da sondaı bir kep», - deıdi Facebook jelisinde Aıt-man Nurjan degen atpen tirkelgen aqyn.
Budan ary aqyn Tazabektiń uıqasyna salyp, birer jol óleń jazady. Óleńinde ánshi, eks-depýtat, Túrkııadaǵy búkilálemdik etnosport federaııasynyń birinshi vıe-prezıdenti Bekbolat Tileýhannyń da aty atalady. Aqyn bul ekeýin Qazaqstandaǵy dinı aǵym salafızm aǵymy úshin kinálapty.
Jalpy, Svetqalı Nurjan Qazaqstanda 2000 jyldardyń basynda keń jaıylǵan taǵy bir dinı aǵym – sýfızmniń (sopylyq) beldi ókili retinde jıi atalady. Ol osy aǵymnyń Qazaqstandaǵy negizin salýshy Ismatýlla Maqsymnyń qasynan jıi kórinip qalady.
Eske sala keteıik, 5 maýsym kúni Muhametjan Tazabek Konstıtýııaǵa ózgeris engizý úshin ótken búkilhalyqty referendýmǵa baryp, daýys bergenin óleńmen jazyp, áleýmettik jelide synǵa ushyraǵan. Ol qazir shetelde júr. El arasynda «osy aǵymnyń serkesi Qaırat Satybaldy qamaýǵa alynǵan soń, Tazabekter shetelde boı tasalap júr» degen boljam aıtylady.
”Adyrna” ulttyq portaly
