Elimizde endi magıstratýra men doktorantýraǵa qabyldaý jylyna eki ret ótkiziledi, dep habarlaıdy "Adyrna" ulttyq portalynyń tilshisi. Bul týraly Bilim jáne ǵylym mınıstri Ashat Aımaǵambetov áleýmettik jelidegi paraqshasynda jazdy. Mınıstrdiń aıtýynsha, magıstratýra men doktorantýraǵa qabyldaýǵa qatysty birqatar usynystardy Joǵary oqý oryndarynyń qaýymdastyǵy men Rektorlar keńesi Tamyz keńesiniń otyrysynda engizgen.
- Egjeı-tegjeıli talqylaýdan keıin biz qabyldaý erejelerine ózgerister engizý týraly sheshim qabyldadyq. Endi magıstratýra men doktorantýraǵa qabyldaý jylyna eki ret ótkiziledi. Iaǵnı, magıstratýra men doktorantýraǵa túsý emtıhandary dástúrli túrde tamyz aıynda jáne qosymsha jeltoqsan aıynda uıymdastyrylady. Osy norma 2021 jyly kúshine enedi dep josparlap otyrmyz. Osy maqsatta Ulttyq testileý ortalyǵynyń qyzmetkerleri keshendi testileý men túsý emtıhandaryn qosymsha uıymdastyrady. Qujattardy qabyldaý qarasha aıynda bastalady, – dep jazdy Ashat Aımaǵambetov.
Sóz sońynda mınıstr jazǵy qabyldaý naýqany men ótkizilgen emtıhandardyń qorytyndysy boıynsha magıstratýra men doktorantýraǵa arnalǵan bilim berý granttarynyń artyq qalýyna baılanysty azamattar osy jyldyń jeltoqsan aıynda memlekettik granttardy ıelene alatynynyn, daıyndyq baǵyttary bólinisinde granttardyń sany men qujattardy qabyldaýdyń naqty merzimderi týraly aqparat qosymsha jarııalanatynyn málimdedi.
"Adyrna" ulttyq portaly
