Memleket basşysy Qazaqstan halqyna kezektı Joldauyna bes naqty bastamany atap öttı. Olardy ıske asyru halyqtyŋ äl-auqatyn jaqsartuǧa mümkındık beredı. Mūndai pıkırdı Ūlttyq qoǧamdyq senım keŋesınıŋ müşesı Läzzat Qojahmetova bıldırdı, dep "Adyrna" portaly QazAqparatqa sıltep habarlaidy.
«Qasym – Jomart Toqaev Qazaqstan halqyna üşınşı Joldauyn arnady. Joldauda ekonomika men memlekettık sektordy sifrlandyru prosesın qaita jükteu mındetterı qoiyldy. Densaulyq saqtau men bılımge erekşe köŋıl bölındı. Prezident 5 naqty bastamany atap öttı. Olardy ıske asyru halyqtyŋ äl-auqatyn jaqsartuǧa mümkındık beredı»,- deidı Läzzat Qojahmetova . Onyŋ oiynşa, eŋ tömengı jalaqyny köteru tūrmysy tömen toptyŋ äl-auqatyna oŋ äser etedı.
«Tört jyl ışınde azamattyq qyzmetşılerdıŋ eŋbekaqysyn 20 paiyzǧa arttyru 600 myŋ qazaqstandyqqa qatysty bolady. Zeinetaqy jinaǧynyŋ bır bölıgın «Otbasy Bankı» şotyna audaru tūrǧyn üi satyp alu ısın oŋtailandyrady. Sondai-aq eŋ tömengı jalaqyny köteru tūrmysy tömen toptyŋ äl-auqatyna oŋ äser etedı. Būl öte jaqsy»,- deidı Ūlttyq qoǧamdyq senım keŋesınıŋ müşesı. Sonymen qatar, ol Prezident saiasi reformalardyŋ törtınşı paketın ūsynǧanyn atap öttı. «Būryn tek partiialyq tızımderge qatysty qoldanylatyn deputattyq mandattardy bölgende äielder men jastar üşın 30 paiyzdyq kvotany zaŋnamalyq tūrǧydan bekıtu mındetı qoiylǧan. Bügın Memleket basşysy kvotaǧa mümkındıgı şekteulı adamdardy engızudı ūsyndy. Būl ülken qadam dep oilaimyn. Sonymen qatar, Prezident balalarǧa qarsy jynystyq qylmystardyŋ jolyn kesuge, qarsy ıs-qimyl jasauǧa nazar audarudy tapsyrdy»,- deidı ol.
"Adyrna" ūlttyq portaly
Ūqsas jaŋalyqtar
