Memleket basşysy Qasym-Jomart Toqaev Bas prokuraturaǧa baryp, qūzyrly organ ökılderımen kezdesu ötkızdı. Ol Ükımet pen Ūlttyq qauıpsızdıgıne Qazaqstanda jürgen şeteldık azamattardy baqylauǧa aludy tapsyrdy. Būl turaly Aqorda jazdyǧ dep habarlaidy "Adyrna".
«Qazır älemde kürdelı ahual qalyptasyp otyr. Dünie jüzınde keŋ auqymdy köşı-qon jürıp jatyr desek, qate bolmaidy. Qonys audarǧysy keletın şeteldıkter üşın Qazaqstan – basqa elderge ötuge de, tūraqtap qaluǧa da qolaily memleket. Elge kelgen şetel azamattaryn uaqtyly esepke alyp, olardyŋ jürıs-tūrysyn baqylaityn tehnikalyq qūraldardy jetıldıru – asa maŋyzdy mındet. Ükımetke Ūlttyq qauıpsızdık komitetımen bırlesıp, osy jūmysty tezdetudı tapsyramyn, – dedı ol.
Odan bölek prezident destruktivtı kontenttı taratatyn toptar bar ekenın atap öttı. Olar Jİ-dı terıs maqsatta paidalanuy mümkın ekenın aityp, oǧan jol bermeu kerek dep eskerttı.
«Qoǧamdy jıkke bölıp, azamattardy bır-bırıne qarsy qoiatyn destruktivtı aqparat taratuǧa beiıl adamdar da bar. Mūnyŋ bärı öşpendılıkke bastaityn eşkımge qajetsız, tıptı qauıptı pıkırtalasqa jalǧasady. Jasandy intellektını osyndai adamdar aqparattyq qaruǧa ainaldyryp, zaŋǧa qaişy keletın kontentterdı köptep tarata bastaidy. Būǧan jol beruge bolmaidy. Ondai äreketterge qūqyqtyq baǧa berıp, jauapkerşılıkke tartu qajet. Azamattarǧa destruktivtı kontenttı taratudyŋ qūqyqtyq saldary jönınde ünemı tüsındıru jūmystaryn jürgızgen jön», – dedı Qasym-Jomart Toqaev.
