Bügın, 19 mausymda prezident Qasym-Jomart Toqaev Bekzat Sattarhanov atyndaǧy sport keşenın aralady, dep habarlaidy «Adyrna» tılşısı.
Elordada ornalasqan keşen aumaǧynda futzal, voleibol men basketbol alaŋdary, boks, dziudo, qazaq küresı jäne basqa da sport türlerımen şūǧyldanuǧa arnalǧan jekpe-jek zaldary bar.
Prezident būqaralyq sportty damytu üşın osyndai keşenderdı köptep salu qajet ekenın aitty. Sondai-aq jas boksşylarmen jäne futbolşylarmen äŋgımelestı.
Kezdesu barysynda jas sportşylardyŋ bırı Qazaqstan qūramasyna kırıp, futboldan älem chempionatyn jeŋıp alǧysy keletının jetkızdı. Sol sätte memleket basşysy nemeresınıŋ de osy sport türımen ainalysatynyn aitty.
«Menıŋ nemerem de futbol oinaidy. Ol – qaqpaşy»,– dedı Qasym-Jomart Toqaev.
Aita keteiık, Qasym-Jomart Toqaevtyŋ Timur esımdı bır ūly bar.
