QR Tötenşe jaǧdailar ministrı Iýrii İlin Jambyl oblysyndaǧy jarylys saldarynan qaza tapqandarǧa nege är türlı marapat berılgenın tüsındırdı, dep habarlaidy "Adyrna" ūlttyq portaly QazAqparatqa sılteme jasap.
Memleket basşysy Jambyl oblysy Tötenşe jaǧdailar departamentı Ört söndıru jäne avariialyq – qūtqaru jūmystary qyzmetı bastyǧynyŋ orynbasary Meiırjan Aimanovqa «Halyq qaharmany» ataǧyn beru turaly Jarlyqqa qol qoiǧan edı. Sondai-aq, ört söndıru kezınde qaza bolǧan qūtqaruşylar I jäne III därejelı Aibyn ordenıne ūsynylǧan.
«Bırınşıden, men Jambyl oblysynda bolǧan qaiǧyly oqiǧada qaza tapqan azamattardyŋ barşa tuǧan-tuysqandaryna köŋıl aitamyn. Soŋǧy derek boiynşa, 13 adam qaitys boldy. Ökınışke qarai, üş adamnyŋ deregı tabylmai otyr. Jarylystardyŋ episentrınde sol üşeuın ızdeu jūmystary jalǧasuda. Sondyqtan, qazır Memleket basşysynyŋ Jarlyǧymen Tötenşe jaǧdailar ministrlıgınıŋ, Qorǧanys ministrlıgınıŋ bırqatar qyzmetkerlerı ǧana marapattaldy. Qalǧan qyzmetkerlerdı DNQ saraptamasy boiynşa anyqtap, denelerı tabylǧannan keiın qosymşa memlekettık nagradalarmen marapattauǧa ūsynamyz», - dedı Iýrii İlin.Sondai-aq, ministr QR Prezidentıne qyzmetkerlerdıŋ erlıgın joǧary baǧalaǧany üşın alǧys bıldırdı. «Ört söndıru qyzmetı bastyǧynyŋ orynbasary «Halyq qaharmany» ataǧyn aldy. Ol alǧaşqy jarylys bolǧan kezde ört söndırudı, evakuasiialyq jūmystardy ūiymdastyrudy basqardy. Oqiǧa ornynda bolǧan qūtqarylǧan qyzmetkerlerdı qosa alǧanda, ol bırneşe adamdy qauıptı jerden alyp şyqty. Sodan keiın ekınşı küştı jarylys boldy, ol sol jarylystyŋ saldarynan qaitys boldy», - dedı Iýrii İlin. Vedomstvo basşysy tärtıp boiynşa bırınşı därejelı «Aibyn» ordenımen qaitys bolǧan ofiserler qūramy, al üşınşı därejelı «Aibyn» ordenımen qatardaǧy qūram sarbazdary marapattalatynyn tüsındırdı.
"Adyrna" ūlttyq portaly
Ūqsas jaŋalyqtar
