TJM mınıstri Jambyldaǵy jarylystan qaza bolǵandar nege árkelki marapattalǵanyn túsindirdi

3380
Adyrna.kz Telegram

QR Tótenshe jaǵdaılar mınıstri Iýrıı Ilın Jambyl oblysyndaǵy jarylys saldarynan qaza tapqandarǵa nege ár túrli marapat berilgenin túsindirdi, dep habarlaıdy "Adyrna" ulttyq portaly QazAqparatqa silteme jasap.

Memleket basshysy Jambyl oblysy Tótenshe jaǵdaılar departamenti Órt sóndirý jáne avarııalyq – qutqarý jumystary qyzmeti bastyǵynyń orynbasary Meıirjan Aımanovqa «Halyq qaharmany» ataǵyn berý týraly Jarlyqqa qol qoıǵan edi. Sondaı-aq, órt sóndirý kezinde qaza bolǵan qutqarýshylar I jáne III dárejeli Aıbyn ordenine usynylǵan.

«Birinshiden, men Jambyl oblysynda bolǵan qaıǵyly oqıǵada qaza tapqan azamattardyń barsha týǵan-týysqandaryna kóńil aıtamyn. Sońǵy derek boıynsha, 13 adam qaıtys boldy. Ókinishke qaraı, úsh adamnyń deregi tabylmaı otyr. Jarylystardyń epıentrinde sol úsheýin izdeý jumystary jalǵasýda. Sondyqtan, qazir Memleket basshysynyń Jarlyǵymen Tótenshe jaǵdaılar mınıstrliginiń, Qorǵanys mınıstrliginiń birqatar qyzmetkerleri ǵana marapattaldy. Qalǵan qyzmetkerlerdi DNQ saraptamasy boıynsha anyqtap, deneleri tabylǵannan keıin qosymsha memlekettik nagradalarmen marapattaýǵa usynamyz», - dedi Iýrıı Ilın.

Sondaı-aq, mınıstr QR Prezıdentine qyzmetkerlerdiń erligin joǵary baǵalaǵany úshin alǵys bildirdi. «Órt sóndirý qyzmeti bastyǵynyń orynbasary «Halyq qaharmany» ataǵyn aldy. Ol alǵashqy jarylys bolǵan kezde órt sóndirýdi, evakýaııalyq jumystardy uıymdastyrýdy basqardy. Oqıǵa ornynda bolǵan qutqarylǵan qyzmetkerlerdi qosa alǵanda, ol birneshe adamdy qaýipti jerden alyp shyqty. Sodan keıin ekinshi kúshti jarylys boldy, ol sol jarylystyń saldarynan qaıtys boldy», - dedi Iýrıı Ilın.

Vedomstvo basshysy tártip boıynsha birinshi dárejeli «Aıbyn» ordenimen qaıtys bolǵan ofıerler quramy, al úshinshi dárejeli «Aıbyn» ordenimen qatardaǵy quram sarbazdary marapattalatynyn túsindirdi.

"Adyrna" ulttyq portaly

Pikirler