Jambyl audanynda 62 jastaǧy er adam būryn bırge tūrǧan äielge qatysty şyǧarylǧan qorǧau nūsqamasynyŋ talaptaryn bırneşe ret būzǧan, dep habarlaidy "Adyrna".
Sol üşın ol 10 täulıkke äkımşılık qamauǧa alyndy.
Prokuraturanyŋ mälımetınşe, 2026 jyldyŋ basynan berı äieldıŋ mekenjaiyna otbasylyq-tūrmystyq janjalǧa bailanysty tört ret habarlama tüsken.
Tekseru barysynda er adamnyŋ bırneşe jyl boiy būryn bırge tūrǧan äieldıŋ üiıne kelıp, janjal şyǧarǧany, onyŋ otbasy müşelerıne qorqytu sözderın aitqany jäne äielge küş qoldanǧany anyqtalǧan. Äieldıŋ mügedektıgı bar.
Būǧan deiın er adam äkımşılık jauapkerşılıkke tartylyp, oǧan qorǧau nūsqamasy şyǧarylǧan. Alaida ol nūsqama talaptaryn qaitadan būzǧan.
Sot er adamdy Qazaqstan Respublikasynyŋ Äkımşılık qūqyq būzuşylyq turaly kodeksınıŋ 461-babynda közdelgen qūqyq būzuşylyqty jasaǧany üşın kınälı dep tanyp, 10 täulıkke äkımşılık qamauǧa alu turaly şeşım şyǧardy.
Sot qaulysy 4 tamyzda qabyldanǧan.
