Sý tasqyny saldarynan 88 myńǵa jýyq adam evakýaııalandy, dep habarlaıdy "Adyrna" tilshisi.
Elimizdiń sý basqan óńirlerinde adamdardy qaýipsiz jerlerge evakýııalaý jáne topan sýmen kúres jumystary jalǵasyp jatyr.
«Sý tasqyny boıynsha saǵat 16:00 jaǵdaı, azamattyq qorǵaý qyzmetiniń kómegimen 88 myńǵa jýyq adam, onyń ishinde 30 myńǵa jýyq bala evakýııalandy. Qazir ýaqytsha ornalasý pýnktterinde 7 myńnan astam adam, onyń ishinde 3700 bala bar jáne 4800 adam úıine oraldy. Sondaı-aq, 82 315 úı janýary qaýipsiz jerge aıdaldy. Avarııalyq qutqarý jumystaryna 23 myńnan astam adam jáne 2500-ge jýyq tehnıka, 448 sý sorý, 131 sýda júzý tehnıkasy jáne 6 áýe kemesi jumyldyrylǵan», - dedi Tótenshe jaǵdaılar mınıstrligi Azamattyq qorǵanys jáne áskerı bólimder komıtetiniń aǵa ofıeri Erasyl Saıpash brıfıng barysynda.
Sońǵy táýlikte Tótenshe jaǵdaılar mınıstrliginiń jeke quramynan 525 adam men 100-ge jýyq tehnıka Almaty qalasynan Qaraǵandy, Ulytaý jáne Pavlodar oblystaryna jiberilgen.
«Tótenshe jaǵdaılar mınıstrligi jergilikti atqarýshy organdardyń kúshimen 8 mln-nan astam tekshe metr erigen qar sýy soryldy. 1 mln 200 myńǵa jýyq qum salynǵan qap jáne 1 mln tonnadan astam ınertti materıaldar tóseldi», - dedi TJM ókili.
