Atyrau qalasy men oǧan ırgeles eldı mekenderdı qoiu tütın basty. «Aqjaiyq» memlekettık tabiǧi rezervatyndaǧy qamys janyp jatyr. Ört oşaǧy qaladan 35 şaqyrym jerde, Kaspii teŋızıne qaraityn baǧytta ornalasqan. Būl turaly oblystyq Tötenşe jaǧdailar departamentı mälımdedı, dep habarlaidy "Adyrna".
Örttıŋ jalpy aumaǧy 12 gektar. Qazırgı taŋda janyp jatqan aumaq 8 gektar, al söndırılgen aumaq 4 gektar.
Tılsız jaumen küreske Tötenşe jaǧdailar departamentınıŋ 65 mamany men 18 bırlık tehnikasy jūmyldyryldy. Alaida, ört söndıru jūmystaryn jer bederınıŋ erekşelıgı qiyndatyp otyr.
«Örtenıp jatqan aumaq — batpaqty jer. Sonyŋ saldarynan arnaiy tehnikanyŋ ötuı mümkın emes. Qazırgı uaqytta ört söndıruşıler qorǧanys jolaqtaryn salyp, otty qolmen söndıruge mäjbür», — dep habarlady mekeme ökılderı.
Mamandardyŋ aituynşa, qazırgı uaqytta eldı mekenderge eşqandai qauıp tönıp tūrǧan joq.
