Elordadaǵy Nazarbaev Zııatkerlik mektebiniń túlegi Qazybek Toqtarov álemniń irgeli ýnıversıtetterinen shaqyrtý aldy. Atap aıtqanda, Italııa, AQSh, Gonk Kong, Fınlıandııa, Nıderland jáne Koreıa elderiniń JOO-lary qazaqstandyq oqýshyny óz stýdentteriniń qatarynan kórgisi keletinin habarlaǵan. «Adyrna» tilshisi jas darynmen tildesip, aldaǵy josparlary týraly surap bildi.
«Maǵan AQSh-tyń Wisconsin-Madison University, Tufts University, Drexel University syndy joǵary oqý oryndary, Italııanyń Padua, Tor Vergata, Messina ýnıversıtetteri, Gonk Kongtyń Hong Kong Baptist ýnıversıteti, Fınlıandııanyń Lappeenranta University of Technology, Nıderlandynyń Maastricht, Koreıanyń Gwangju Institute of Science and Technology jáne Qazaqstannyń KAZGIýÝ ýnıversıtetteri tolyq bilim grantyn taǵaıyndady. Aldaǵy ýaqytta «Somputer science» baǵyty boıynsha bilim almaq nıettemin. Olarǵa ótinish jiberý kezinde baǵdarlamalarynyń tıimdiligi men biregeıligin basty nazarǵa aldym»,— dedi ol.
Ázirge Qazybek qaı oqý ornyn tańdaıtynyn naqty sheshpegen.
«Áli oılaný ústindemin. Bálkim, Koreıa, Amerıka nemese Italııadaǵy ýnıversıtetterdiń birinde bilimimdi jalǵystyramyn»,– dep josparymen bólisti jas túlek.
NIS oqýshysy birneshe elden shaqyrtý keletinin aldyn ala sezgen.
«Garvardqa túsken dosym keńes berdi. Óz múmkindigimdi arttyrý úshin kóptegen ýnıversıtetterge ótinishimdi jiberdim»,– dedi ol.
Qazybek — respýblıkalyq, halyqaralyq olımpıadalar, jobalyq baıqaýlar men konferenııalardyń jeńimpazy.
Mýzykaǵa degen qyzyǵýshylyǵy erekshe.
«Mektepte mýzykamen belsendi aınalystym. Zııatkerlik mekteptiń ánuranyn oryndap, mekteptiń bas er vokalısti boldym. «Eco club»-tyń, mektep orkestriniń múshesimin, túrli mádenı is-sharalardy uıymdastyrýǵa qatystym»,– dedi zııatker.
Áńgime barysynda Qazybek Toqtarov shetelde oqyǵysy keletin jandarǵa keńes berdi.
«Ýaqytyńyzdy durys basqaryp, tıimdi paıdalanyńyz. Eń aldymen jospar jasańyz jáne ár qadamdy kezeń-kezeńmen oryndańyz. Iá, bul ómirdegi qıyn kezeń bolýy múmkin, biraq barlyq jumys óz jemisin beredi jáne bolashaqta aqtalady»,– dep sózin qorytyndylady ol.
Áńgimelesken Dıana ASAN,
«Adyrna» ulttyq portaly
