Coŋǧy sūhbat. «Alaş ziialylarynyŋ mūrasyn ūrpaqqa tabystau – mındetım»

Saiasi quǧyn-sürgın qūrbandarynyŋ mūrasyn tügendep, jaryqqa şyǧaryp, halqymen qauyştyrǧan «Arys» qorynyŋ basşysy Ǧarifolla Änes «Adyrnaǧa» bergen soŋǧy sūhbatynda Alaş qairatkerlerınıŋ tūlǧalyq qasietı men olardyŋ mūrasy jaiynda  aitady. Biyl Saiasi quǧyn-sürgın jäne Aşarşylyq qūrbandaryn eske alu künı qarsaŋynda jariialanǧan sūhbatty sıltemege ötıp oqi alasyz.    Saiasi quǧyn-sürgın qūrbandarynyŋ joqtauşysy, Alaş arystarynyŋ mūrasyn zerttep jaryqqa şyǧaryp jürgen Ǧarifolla Änes keşe, qyrküiektıŋ 21-ınde dünieden ozdy. 23 qyrküiek künı saǧat 10:00-de Almatyda, Jazuşylar odaǧynda marqūmmen qoştasu räsımı ötıp, janazasy şyǧarylady. Ǧarifolla Änes 1957 jyly Qūrmanǧazy audany Balqūdyq auylynda tuǧan. A. Baitūrsynūly atyndaǧy Tıl bılımı institutynyŋ jetekşı ǧylymi qyzmetkerı bolyp, ǧylymi zertteu jūmystaryn sol kezden bastady. Bertınde Saiasi quǧyn-sürgın qūrbandary muzeiınıŋ (Jaŋalyq auylyndaǧy) meŋgeruşısı qyzmetın atqardy. 1992 jyly «Repressiiaǧa ūşyraǧan Qazaqstan ziialylarynyŋ mūrasyn zertteitın "Arys" qoryn qūryp, "Arys" baspasynyŋ qūryltaişy-prezidentı boldy. 2013 jyldan «Qazaqstan tarihi-aǧartu «Ädılet» qoǧamynyŋ» töraǧalyǧyn qosa atqarady. Halyqaralyq «Qazaq tılı» qoǧamynyŋ vise-prezidentı, «Ana tılı» gazetınıŋ qoǧamdyq negızdegı keŋesşısı. Biyl Saiasi quǧyn-sürgın jäne Aşarşylyq qūrbandaryn eske alu künı qarsaŋynda «Adyrnada» jariialanǧan sūhbatynda Ǧarifolla Änes bolaşaq jospary jaiynda oilarymen de bölısken edı. — «Şerlı şejıre. HH ǧasyrdyŋ bırınşı jartysynda jaryq körgen qazaq gazet-jurnaldary» atty mädeni megajoba daiyndadyŋyzdar. Nätijesınde on tomdyq baǧa jetpes kıtap jaryq kördı. Osy on tomdyqtyŋ jinaqtaluyna qanşa uaqyt kettı? — 1992 jyly men jetekşılık jasap otyrǧan repressiiaǧa ūşyraǧan ziialylardyŋ mūrasyn zertteitın «Arys» qory (baspasy) qūryldy. 1994 jyly alǧaşqy kıtabymyz şyqty. Mıne, sodan berı älı toqtausyz jūmys ıstep keledı. Qazırgı kezge deiın jüzdegen kıtap basylyp, tıptı ülken portalymyz da aşylyp jatyr. Menıŋ mamandyǧym – tarihşy emes, tılşı. Sondyqtan da osyndai ziialylardyŋ şyǧarǧan gazet-jurnaldaryn zerttep, olardyŋ  mūrasyn ūrpaqqa tabystau mındetım dep esepteimın. Özderıŋız körıp otyrǧan on tom älı jalǧasyp 30 tom bolmaq.   Sūhbattyŋ tolyq nūsqasyn myna sıltemege ötıp oqi alasyz.