Aımaǵambetov ne úshin otstavkaǵa ketýi kerek? - Ómir Shynybekulymen suhbat

8100
Adyrna.kz Telegram

«Ashat Aımaǵambetov otsavkaǵa ketýi kerek». Bul pikir ıesi Qazaqstan Respýblıkasynyń Bilim berý isiniń qurmetti qyzmetkeri, Ustaz Ómir Shynybekuly.

 Ómir Shynybekuly óz paraqshasynda bilim salasyndaǵy bylyqtarǵa bilim mınıstriniń aralaspaı otyrǵanyn basa aıtty. Oǵan qosa, eger Aımaǵambetov ornynan túspese mınıstrlikten alǵan barlyq marapatynan bas tartatyny týraly málimdedi.

«Túrkistan oblysy bilim salasyndaǵy osynsha bylyqty estip, kórip bilip otyryp saýsaǵyn qybyrlatýǵa murshasy kelmeı otyrǵan BjǴM mınıstri Aımaǵambetov otstavkaǵa ketýi kerek..

Mınıstr otstavkaǵa ketpese BjǴM bergen "Qazaqstan Respýblıkasynyń Bilim berý isiniń qurmetti qyzmetkeri", "Y.Altynsarın" tósbelgilerinen bas tartatynymdy málimdeımin...

Mundaı sharasyz mınıstrlikten alǵan marapattardyń quny men úshin kók tıyn..

Al sottasań sottap jiber...

Pedagog-áriptesterim demalys kezinde shóp shaýyp jylap júrgende men mynaý syldyrmaqtardy taǵyp otyrǵanym ıttik bolar edi..»,-dedi Ómir Shynybekuly óz jazbasynda.

 «Adyrna» ulttyq portalynyń tilshisi Ómir Shynybekulymen habarlasyp, suhbattasqan bolatyn.

 Keshe facebook paraqshańyzǵa jarııalaǵan “Aımaǵambetov otsavkaǵa ketýi kerek” degen postyńyz BAQ betinde júr.

-Jalpy “Halyqtyń súıikti mınıstrine” aınalǵan Aımaǵambetovtyń eks- mınıstrlerden aıyrmashylyǵy boldy ma?

-A.Aımaǵambetovtyń jeke basyna qoıar esh kinám joq.

Kerisinshe, men kórgen mınıstrlerdiń arasyndaǵy eń ashyǵy osy Asqat Qanatuly boldy..

Meniń úndeýim bizdegi basqarý júıesine qatysty dep túsingen jón.

2015 jyly sol kezdegi BjǴM mınıstri A.Sárinjipovke oblystyq Bilim basqarmalaryn oblystyq ákimdikterden alyp tikeleı mınıstrlikke baǵyndyrýdy aıtyp ashyq hat jazǵanmyn. Solaı etpesek, pedagogtar saılaý-senbilik sekildi naýqandarǵa tartyla bergeni bergen..

Bilim basqarmasynyń basshysy mınıstrge emes, Oblys ákimine baǵynyshty..

Keshegi málimdemem, keıingi kezderi aty jıi atalyp ketken Túrkistan oblystyq Bilim basqarmasyna qarasty «Uzyn-ata» bala baqshasynyń óz basshysyna qarsy shyqqan qyzmetkerine jasalǵan qysymǵa baılanysty edi..

-2 jylǵa jýyq eńbek etti, naqty qandaı joba, júıesin qoldaýǵa turarlyq?

Mınıstrliktiń jumysyna baǵa berýge 2 jyl azdyq etse kerek..

Kóp nárse ózgerdi dep aıtý qıyn. Asqat Qanatuly óziniń aldyndaǵy mınıstrler búldirip ketkendi túzetýmen aınalysyp jatyr degen durys bolar..

Máselen, «Álippeni» qaıtardy, tómengi synyptardan «úshtildik» degendi aqyryndap shegindirip jatyr degen sekildi.

Endi ǵana «Bilimdi ult» degen joba jasaldy. Jaqynda qoǵam talqylaýyna túsip qalar..

Sol joba qabyldanyp, nátıje berse ǵana Aımaǵambetov birdeńe bitirdi deýge bolady..

Degenmen, Asqat Qanatuly buryn birde bir mınıstrdiń qolynan kelmegen ashyqtyqtyń úlgisin kórsetkenin basa aıtýymyz kerek. Belsendi pedagogtardy toqsan saıyn qabyldap turady, keńesedi..

-Bilim salasyndaǵy bylyqtardy retteýge qandaı reforma kerek?

Mektep qoǵamnyń kishkentaı bólshegi.

Jalpy elde saıası reforma jasalmasa, jekelegen bir salada júrgizgen reforma jemisti bolady dep aıta almaımyn.

-“Shóp shaýyp jylap júrgen áriptesterim” dedińiz. Aldyńǵy jyly “muǵalimder ózderine tıesili emes jumysty atqarmaıdy” degen zań qabyldanǵan edi. Qaǵaz da jazylǵanymen, zań júzinde kúshine enbegeni úshin biz mınıstrlikke qandaı áreket jasaı alamyz?

«Pedagog mártebesi týraly» zańda pedagogti mindetine jatpaıtyn jumystarǵa jegýge tyıym salynatyny anyq aıtylsa da jergilikti jerdegi keıbir áperbaqan basshylar olardy quldaı jumsaýyn doǵarar emes.

-Keshegi postyńyzdan keıin áldekimderden qońyraý túsip, qysym kórsetildi me?

Iá, biraz adam qońyraý shaldy. Qysym deýge bolmas, postymdy alyp tastaýǵa ótinishter boldy..

Postym ornynda túr..

Suhbatyńyzǵa raqmet!

Injý ÓMIRZAQ,

«Adyrna» ulttyq portaly

Pikirler