Biyl bakalavriat, magistratura jäne doktoranturada bılım aluşylardyŋ şäkırtaqysy köbeidı. Būl turaly Bılım jäne ǧylym ministrlıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Ükımettıŋ 2021 jylǧy 3 qyrküiektegı qaulysymen bılım beru ūiymdarynda bılım aluşylarǧa memlekettık şäkırtaqyny taǧaiyndau, töleu jäne mölşerın belgıleu erejesıne özgerıster men tolyqtyrular engızıldı.
Memlekettık bılım beru tapsyrysy boiynşa oqityn studentter üşın ai saiynǧy memlekettık şäkırtaqynyŋ mölşerı belgılenedı:
– bılım berudıŋ pedagogikalyq baǧyttary men “densaulyq saqtau” baǧyty boiynşa oqityn studentterdı qospaǧanda, joǧary bılımnıŋ bılım beru baǧdarlamalaryn ıske asyratyn bılım beru ūiymdarynda oqityn studentter – 31 423 teŋge;
– joǧary bılımnıŋ bılım beru baǧdarlamalaryn ıske asyratyn bılım beru ūiymdarynda oqytudyŋ pedagogikalyq baǧyttary boiynşa bılım alatyn studentterge – 50 400 teŋge;
– joǧary bılımnıŋ bılım beru baǧdarlamalaryn ıske asyratyn bılım beru ūiymdarynda “densaulyq saqtau” daiarlau baǧytynda oqityn studentterge – 50 400 teŋge;
– taǧylymdamadan ötuşıler – 59 289 teŋge;
– magistranttar – 76 950 teŋge;
– “Nazarbaev Universitetı” derbes bılım beru ūiymynda oqityn magistranttar – 143 750 teŋge;
– doktoranttar – 172 500 teŋge;
– “densaulyq saqtau” daiarlau baǧyty boiynşa doktoranttarǧa – 172 500 teŋge;
– “densaulyq saqtau” mamandyǧy boiynşa oqytu baǧytynda rezident därıgerler men magistranttar – 88 494 teŋge;
– Qazaqstan Respublikasy Joǧarǧy Soty janyndaǧy Sot törelıgı akademiiasynyŋ magistranttary, memlekettık organdardan oqytuǧa baǧyttalǧan – soŋǧy jūmys ornyndaǧy lauazymdyq jalaqy deŋgeiınde, bıraq magistranttar üşın belgılengen memlekettık şäkırtaqy mölşerınen tömen emes.
– eŋbek bılıktılıgı boiynşa tehnikalyq jäne käsıptık bılımnıŋ bılım beru baǧdarlamalaryn ıske asyratyn bılım beru ūiymdarynda oqityn studentterge – 21 787 teŋge.
– Tehnikalyq jäne käsıptık bılım beru baǧdarlamalaryn ıske asyratyn bılım beru ūiymdarynda oqityn studentterge arnalǧan memlekettık stipendiia (orta buyn mamandaryn daiyndaudy qarastyratyn), ortadan keiıngı bılım – 20 948 teŋge.
Būl rette ekologiialyq apat aimaǧynda tūratyn studentterge şäkırtaqy ekologiialyq qolaisyz jaǧdaida ömır süru koeffisientın paidalana otyryp tölenedı.
”Adyrna” ūlttyq portaly
