Bıyl alty aı ishinde Qazaqstanda tirkelgen tabıǵı jáne tehnogendik sıpattaǵy tótenshe jaǵdaılardyń shyǵyny esepteldi. Materıaldyq shyǵyn men jan shyǵyny - shash etekten. Shyǵyn kórsetkishi byltyrmen salystyrǵanda 7,3%-ǵa kóp, dep habarlaıdy "Adyrna" ulttyq portaly.
Tótenshe jaǵdaılar mınıstrliginiń saıtynda jarııalanǵan jarty jyl ishindegi jumystardyń esebinde shyǵyn kórsetkishi byltyrmen salystyrǵanda 7,3%-ǵa kóp ekeni kórsetiledi:«Jyl basynan beri 6 200 tabıǵı jáne tehnogendik sıpattaǵy tótenshe jaǵdaı jáne oqıǵalar tirkeldi. Bul ótken jyldyń sáıkes kezeńimen salystyrǵanda 7,3%-ǵa kóp. Onyń saldarynan 858 adam zardap shegip, 316 azamat qaza tapty. Keltirilgen materıaldyq shyǵyn 2 mlrd 584 mln 85 myń teńge. Tehnogendik sıpattaǵy 5 647 tótenshe jaǵdaı tirkelgen. Odan 480 adam zardap shegip, 222 adam kóz jumdy», - dep jazylǵan saıtta.
Mekemeniń bersek aqparatyna sensek, tehnogendik sıpattaǵy jaǵdaılardyń 91%-y óndiristik jáne turmystyq órtpen tikeleı baılanysty. Naqty aıtsaq, jarty jylda 5 139 órt bolyp, odan 346 adam zardap shekken, Ókinshke qaraı, 194 adam ajal qushqan. Sonymen qatar bul oqıǵalardan 2,2 mlrd teńge materıaldyq shyǵyn keldi.
"Adyrna" ulttyq portaly
