Osy ýaqytqa deıin halyqtyń bir mınıstirdi osynshalyq qoldaǵanyn kórgen joqpyn.
Bul neni bildiredi?
Búginge deıingi 13 mınıstirdiń bilim salasynyń "botqasyn shyǵarǵan" reformalarynan keıin, bilim salasyn aıaqqa turǵyzyp eldiń úmitin qaıta oıata bastaǵan shaqta.....
Qudaıǵa shúkir! Baǵalaı biletin halqymyz bar eken. Onyń bastap, jasap jatqan isterine halyq óz baǵasyn berip jatyr. Onyń bar isin tizbektemeı, tek bir kezdesýimdi aıtsam. Adamnyń isine – halyq aına.
Byltyr B.Saparbaev myrza Premerdiń orynbasary bolyp turǵan shaqta, Shymkent qalasynda biraz mınıstirlermen kelip, úlken jıyn ótkizgen. Sol jıynda men sóz alyp, "Bilim salasyn (mektep, balabaqsha t.b) ákimshiliktiń quziretinen alyp, tikeleı mınıstirge baǵynatyn etińizder. Óıtkeni, keıbir týyndaǵan máselelerde mınıstirdiń quzreti ákimshilikke júrmeı jatady. Bilim bóliminiń basshylaryn tikeleı ákim saılaǵandyqtan, sol jerdiń bilim salasynyń qyzmetkerleri túgeldeı ákimge baǵynady. Sodan kelip ákim ámiri berse boldy, muǵalimder kóshe sypyryp, lıstovka taratyp, sanaq júrgizip júredi. Bir sala eki basshylyqqa baǵynǵan soń qaı is ońady" dep usynys bildirgenmin.
Menen keıin sóz alǵan Ibrahım Álserke aǵamyz oqýshylardyń mılaryn ashytpaı, Álippeniń, Ana tili oqýlyqtarynyń qaıtarylýyn talap etken bolatyn.
Sol kezde Aımaǵanbetov myrza halyqtyń aldynda ýáde bergen. Talaptarymyzdy zerttep, naqtylap, aıtylǵan úsh usynysymyzdy oryndaýǵa ýáde bergen.
Sodan beri bir jylǵa jaqyndady. Ýádeleri oryndala bastady. Bilim salasy jergilikti ákimshiliktiń quzretinen alynatyn boldy.
Ana tili men Álippe qaıtarylatyn boldy. Halyqtyń talabyna saı jumys jasaı bastady.
Aıtarym...!
Azamattardyń barynda qadirin bilýdi úırensek. Mınıstirdiń sońyna shyraq alyp túskender, bastaǵan jaqsy bastamalaryn sońyna deıin jetkizýine múmkindik berý kerektigin qalaısha túsinbeıdi? Óıtkeni, mınıstirlik dál qazir naǵyz kerekti baǵytqa qaraı jumys jasap jatyr emes pe?! Faktileriń bolsa jer jutyp ketpes, keıinde paıdalanýǵa bolady ǵoı? Ultyńnyń múddesi joǵary turatynyn túsine alar ma eken?
Áı qaıdam....!
Qý pendeshilik ne istetpeıdi taıaz oılylarǵa?! Tipti, eshqandaı dıplomy joq bolsa da, osy mınıstr bilim salasyn on jyl basqarsa da qarsy emespin.
Óıtkeni, "tildiń" emes, istiń adamy ekenin dáleldep jatyr.
Isker azamatty yǵystyrý kimderge kerek boldy eken?
Tótenshe jaǵdaı bastalǵaly júıeli jumys jasaı alǵan birden-bir mınıstirlik boldy. "Jas balanyń" el aldynda qadiriniń artyp, basqalarǵa úlgi bola bastaǵanynan shoshydy ma bireýler?!
Olar munshalyqty qoldaý bolaryn oılamasa kerek. Endigi oılamaı istegen isterine opyq jep te otyrǵan bolar.
Qazaq tek ólgennen soń baǵalaýdy emes, azamattardyń barynda da baǵalaı alady eken!
Búıte berse Aımaǵanbetov qazaqtyn Fýrgalosy bolmasyna kim kepil? Aıaǵy sondaı qoldaýǵa ulassada tańqalmaımyn.
Óıtkeni, endigi jerde urpaqtyń taǵdyryna eshkimniń beı-jaı qaraǵysy kelmeıdi.
Halyqtyń qoldaýyn eskerip, prezıdentte durys sheshim qabyldaıdy dep oılaımyn.
Rústem Ashetaev,
jýrnalıst
