Memleket basshysynyń jarlyǵymen Premer-mınıstrdiń jańa orynbasary taǵaıyndaldy, dep habarlaıdy "Adyrna" tilshisi Aqordaǵa siltep.
Atalǵan jarlyq boıynsha Qanat Bozymbaev jańa qyzmetke taǵaıyndaldy. Ol buryn Energetıka mınıstri, Almaty, Pavlodar, Jambyl oblystarynyń ákimi bolǵan. Sońǵy atqarǵan qyzmeti - Prezıdent keńesshisi bolatyn.
Jańa taǵaıyndaý týraly Aqordanyń resmı saıtynda jarııalanǵan.
Alaıda jańa taǵaıyndaýdan soń "Chemodan gossekretov" telegram-arnasynda Bozymbaev pen Sklıarǵa qatysty aqparat tarady.
"Sklıardyń ornyna Bozymbaev taǵaıyndaldy degen aqparat tarap jatyr. Bul jalǵan. Bozymbaev premer-mınıstrdiń jańa orynbasary qyzmetine kirisip, Bektenovtyń birinshi orynbasary (Roman Sklıardyń) fýnkııasyndaǵy júktemeni ishinara jeńildetedi", - delingen.
Eske sala keteıik, Premer-mınıstrdiń birinshi orynbasary qyzmetindegi Roman Sklıardyń qyzmetine qatysty eshqandaı resmı málimdeme jarııalanǵan joq. Alaıda keshe ótken jıyn barysynda Prezıdent sý tasqynyna qarsy ýaqytyly shara qabyldamaǵany úshin Premer-Mınıstrdiń birinshi orynbasary Roman Sklıarǵa jáne birneshe basshyǵa qatań sógis jarııalaǵan bolatyn.
Qanat Bozymbaev kóptiń esinde "Qańtar oqıǵasy" kezinde jaqsy saqtalǵan. Qandy oqıǵa kezinde Almaty oblysynyń ákimi bolǵan Bozymbaev mıtıngide kóp aldynda boǵaýyz sóz aıtqan. Artynsha ol óz áreketin arandatýshylardyń "aıǵaılaǵanynan soń" dep túsindirgen.
Almaty oblysynyń ákimi laýazymynan keıin TMD-nyń eńbek sińirgen energetıgi Prezıdent keńesshisi bolyp taǵaıyndalǵan.
