Tarazda äskeri ant qabyldau räsımı kezınde jaŋadan kelgen sarbazdarǧa jauyngerlık daiyndyq körsetpek bolǧan kontrakttyq äskeri qyzmetker bötelkenı basyna ūryp syndyrmaq bolyp, auyr jaraqat aldy, dep habarlaidy "Adyrna" ūlttyq portaly Atameken Business arnasyna sılteme jasap.
Jelıde taraǧan videoda Jaqsylyq Moldaqūlovtyŋ bötelkenı basyna soqqannan keiın bırden esınen tanyp qalǧany körınedı. Ol bes jyldan berı kelısımşart negızınde barlau rotasynda qyzmet etıp kelgen jäne mūndai körsetılımderge jiı qatysqan.
Jas jıgıt bırden auruhanaǧa jetkızılgenımen, onyŋ oŋ közın saqtap qalu mümkın bolmaǧan. Būl turaly onyŋ anasy mälımdedı.
"Balamnyŋ jüzın körıp şoşyp kettım. Därıgerler onyŋ közı körmei qalǧanyn aitty. Men olardyŋ közın alyp qaluyn ötındım", — dedı sarbazdyŋ anasy Gülzira Baiqonysova.
Därıgerlerdıŋ aituynşa, sarbaz auruhanaǧa auyr jaǧdaida tüsken. Soqqy onyŋ köru qabıletımen qatar jüike jüiesıne de zaqym keltırgen. Oŋ közdıŋ köru qabıletı nölge tüsken, bıraq ekınşı közdı saqtap qaluǧa mümkındık bar.
"Operasiianyŋ maqsaty — közdıŋ qabyǧyn qalpyna keltıru jäne tıgu. Jaraqat alǧan közdıŋ ekınşı közge äserın boldyrmau kerek. Aldaǧy uaqytta kölemdı em jürgızıledı", — dedı Jambyl oblystyq oftalmologiialyq ortalyǧy bas därıgerınıŋ orynbasary Jansaia Sydyqova.
Äskeri bölımde qyzmettester älı es jiia almai otyr. Komandirdıŋ aituynşa, Moldaqūlov täjıribelı jauynger bolǧan. Al oqiǧa abaisyzda oryn alǧan.
"Onyŋ mügedektık alu-almauyn aituǧa älı erte. Medisinalyq saraptama älı jasalǧan joq, em jalǧasyp jatyr. Bız äskeri qyzmetkerge barlyq kömek körsetemız", — dedı №91/678 äskeri bölımı komandirı Bauyrjan Esaly.
Oqiǧaǧa bailanysty tergeu bastaldy. Äskeri qyzmetker jūmysynan şettetılmegen, bıraq ony barlau rotasynan jeŋıl qyzmetke auystyru josparlanyp otyr.
