Taraz qalasy äkımdıgınıŋ qarjy bölımı qyzmetkerlerı memlekettık balansqa tiesılı mülıktı zaŋsyz türde satyp kelgenı anyqtaldy, dep habarlaidy "Adyrna" ūlttyq portaly Orda.kz-ke sılteme jasap.
Būzuşylyqty alǧaş prokuratura anyqtap, keiın ıstı ekonomikalyq tergeuler departamentı tergegen. Tergeu nätijesınde şeneunıkterdıŋ qūjattardy qoldan jasap, kommunaldyq nysandardy jeke tūlǧalar atyna räsımdep, keiın olardy satqandyǧy belgılı bolǧan. Memleketke keltırılgen zalal 100 million teŋgeden asqan.
Aqparatqa säikes, qarjy bölımınıŋ qyzmetkerlerı 2021–2022 jyldary qaladaǧy üş beirezidenttık ǧimaratty jalǧan adamdardyŋ atyna räsımdep, keiın jeke satyp aluşylarǧa ötkızgen.
Sotta tört adam jauapqa tartyldy. Olardyŋ ekeuı ıs merzımınıŋ ötıp ketuıne bailanysty jauapkerşılıkten bosatyldy.
Sot ükımımen bır qyzmetker alaiaqtyq jäne ysyrap etu baptary boiynşa kınälı dep tanylyp, tört jylǧa bas bostandyǧynan aiyryldy jäne bes jyl boiy memlekettık mülıkpen jūmys ısteuge tyiym salyndy.
Taǧy bır adamǧa tört jarym jylǧa bas bostandyǧyn şekteu jazasy taǧaiyndalyp, oǧan memlekettık qyzmette jūmys ısteu qūqyǧynan ömır boiyna aiyrylu jazasy berıldı.
