Tarazdaǧy «Ūly dala» şaǧyn audanynda «Taza Qazaqstan» respublikalyq aksiiasy aiasynda keŋ kölemdı kögaldandyru jūmystary jürgızıldı.
Tabiǧatty qorǧau men qalanyŋ ekologiialyq ahualyn jaqsartuǧa baǧyttalǧan būl igı şaraǧa jergılıktı tūrǧyndar, erıktıler men türlı mekeme qyzmetkerlerı belsendı qatysty.
Aksiia barysynda şaǧyn audan aumaǧyna barlyǧy 285 tüp aǧaş otyrǧyzyldy. Onyŋ ışınde 150 dana iasen, 87 dana katalpa, 28 dana terek jäne 20 dana ailant köşetterı egıldı.
Ärbır aǧaş türı jergılıktı klimatqa beiımdelgen, köleŋke berıp, auany tazartuǧa üles qosatyn jasyl jelek retınde taŋdalǧan.
«Osyndai şaralar arqyly tūrǧyndar tabiǧatqa janaşyrlyqpen qaraudyŋ mänın tereŋırek tüsınedı, al jastardyŋ belsendı qatysuy ekologiialyq jauapkerşılıktı qalyptastyruǧa yqpal etedı. Ärbır azamat öz aulasynan bastap, ainalasyn taza ūstauǧa daǧdylansa, jalpy qalanyŋ ekologiialyq kelbetı de jaqsarady. Būl – bolaşaq ūrpaqqa qolaily orta qaldyru jolyndaǧy ortaq mındet» - dep atap öttı volonter E. Bolysbek.
Aita ketu kerek, ekologiialyq aksiia aiasynda bügıngı künge deiın 18 myŋnan astam adam men 850-den astam käsıporyn, mekeme qatysqan. Nätijesınde 45,8 myŋ jasyl jelek otyrǧyzylyp, 1,8 myŋ şaqyrym köşe joldary, 410 şaqyrym aryq jüielerı men kanaldar tazalanǧan. Sonymen qatar, 72,4 myŋ şarşy metr saiabaqtar men skverler abattandyrylyp, 1,8 myŋ tonna qoqys şyǧarylǧan.
Ekologiialyq mädeniettı qalyptastyru baǧytynda da oŋ nätijeler bar. Taraz jäne Qaratau qalalarynda jasyl jelekterdı sifrlandyru jūmystary jürgızılıp, arnaiy aqparattyq platforma ıske qosylǧan. Būdan bölek, telegram-bot arqyly jyl basynan 290 ötınım qabyldanyp, tiıstı jūmystar jürgızılude.
