Tarazdaǵy qyzmet kórsetý ortalyǵyna arnaıy jasaq basyp kirdi, dep habarlaıdy “Adyrna” ulttyq portaly.
Habarlanǵandaı, avtokólik júrgizýshilerine qyzmet kórsetý ortalyǵynyń basshylyǵy zańsyz kýálik berdi degen kúdikke ilindi.
12 aqpanda quqyq qorǵaý qyzmetkerleri Taraz qalasyndaǵy arnaıy halyqqa qyzmet kórsetý ortalyǵynda, sondaı-aq ortalyqtyń basshylary men keıbir sheneýnikteriniń páterlerine reıd júrgizdi.
Qazaqstan Respýblıkasy IIM baspasóz qyzmetiniń habarlaýynsha, arnaıy jasaqtyń bul áreketine belgili bir ýaqyt boıy oqytpaı, kólik júrgizý boıynsha tájirıbe ótkizbeı, aqshaǵa zańsyz júrgizýshi kýáligin berip kelgen kúdiktilerdiń ustalýy sebep bolǵan. Polıııanyń málimetinshe, qylmystyq toptyń quramynda Jambyl jáne Túrkistan oblystarynda, Almaty men Shymkentte turatyn halyqqa qyzmet kórsetý ortalyqtarynyń qyzmetkerleri, onyń ishinde basshylyq pen kómekshileri bolǵan.
“Kómekshileri” osy óńirlerdiń barlyǵynan klıentter izdep, Tarazdyq keńse qyzmetkerleri olarǵa júrgizýshi kýáligin berip, qujattaryn málimetter bazasyna tirkegen.
Atalǵan zańsyz árekettiń qalaı júzege asqany beımálim, biraq «jol erejesiniń sońǵy 3.0 nusqasynda» mindetti túrde kýrsanttyń bıometrııalyq sáıkestendirýin talap etedi. Qazirgi ýaqytta zańsyz qujat berýdiń 35 faktisi anyqtalyp, qylmystyq shemany uıymdastyrýshylar men oryndaýshylar ýaqytsha ustaý ızolıatoryna qamaldy.
“Adyrna” ulttyq portaly
