"Zerdeli” Halyqaralyq mektebi Taraz qalasynan ashylady. Bul týraly Zerdeli aqyl-oı damytý ortalyǵynyń dırektory Rysbek Máýit Facebook paraqshasynda jazdy, dep habarlaıdy “Adyrna” ulttyq portaly.
“Eki kún boıy muǵalimderge arnalǵan konkýrs ótkizip qaıttym. Jumysqa óte tájirıbeli mamandar, Respýblıkalyq "Altyn tuǵar" olımpıadasynyń jeńimpazdary qabyldandy. Tamyzdyń 13-15 kúnderi aralyǵynda oqýshylardy qabyldaýǵa arnalǵan konkýrs bastalady!
Mektep dırektory bolyp, Anglııada oqyǵan "Bolashaq" baǵdarlamasynyń túlegi, Bilim jáne ǵylym mınıstrliginde jáne bilim salasynda 10 jyldan astam jumys jasaǵan Medet Arystanuly taǵaıyndaldy! Alla isimizge bereke bersin!”, dep jazdy ol.
Sondaı-aq, ol Jezqazǵan qalasynan da mektep ashylatynyn, alda granttar bólinetinin aıta ketti.
