Qazaqstanda 28 mamyrda mektep túlekteriniń qorytyndy attestaııasy bastalady, dep habarlaıdy "Adyrna" ulttyq portaly.
Qazaqstan Respýblıkasy Bilim jáne ǵylym mınıstrliginiń baspasóz qyzmeti habarlaǵandaı, 9 (10) synyp oqýshylarynyń qorytyndy emtıhandary 2021 jyldyń 28 mamyry men 5 maýsymy aralyǵynda ótedi.
"Olar úsh pán boıynsha qorytyndy attestattaýdan ótedi: esse túrindegi oqytý tilinen jazbasha emtıhan; matematıkadan jazbasha emtıhan (algebra); basqa tilde oqytylatyn synyptardaǵy qazaq tili men ádebıeti boıynsha jazbasha emtıhan jáne qazaq tilinde oqytatyn synyptardaǵy orys tili men ádebıeti boıynsha jazbasha emtıhan", dep atap ótti baspasóz qyzmeti.
Sondaı-aq, 11 (12) synyp oqýshylaryna arnalǵan memlekettik qorytyndy emtıhandar 2021 jyldyń 1 men 10 maýsymy aralyǵynda ótedi.
"Mektep túlekteri tórt pán boıynsha emtıhan tapsyrady: esse túrindegi oqytý tilinen jazbasha emtıhan; algebra boıynsha jazbasha emtıhan jáne taldaý prınıpteri; Qazaqstan tarıhy boıynsha testileý; basqa tilde oqytylatyn mektepterde qazaq tilinde testileý jáne qazaq tilinde oqytatyn mektepterde orys tilinde testileý", dep tolyqtyrdy departament.
Mınıstrliktiń túsindirýi boıynsha 2020-2021 oqý jylyn 3,4 mıllıonnan astam mektep oqýshylary aıaqtaıdy, onyń ishinde 150 myńǵa jýyq 11 (12) synyp túlekteri, 270 myńǵa jýyq 9 synyp oqýshylary.
"Adyrna" ulttyq portaly