قازاقستاندا 28 مامىردا مەكتەپ تۇلەكتەرىنىڭ قورىتىندى اتتەستاتسياسى باستالادى، دەپ حابارلايدى "ادىرنا" ۇلتتىق پورتالى.
قازاقستان رەسپۋبليكاسى ءبىلىم جانە عىلىم مينيسترلىگىنىڭ ءباسپاسوز قىزمەتى حابارلاعانداي، 9 (10) سىنىپ وقۋشىلارىنىڭ قورىتىندى ەمتيحاندارى 2021 جىلدىڭ 28 مامىرى مەن 5 ماۋسىمى ارالىعىندا وتەدى.
"ولار ءۇش ءپان بويىنشا قورىتىندى اتتەستاتتاۋدان وتەدى: ەسسە تۇرىندەگى وقىتۋ تىلىنەن جازباشا ەمتيحان; ماتەماتيكادان جازباشا ەمتيحان (الگەبرا); باسقا تىلدە وقىتىلاتىن سىنىپتارداعى قازاق ءتىلى مەن ادەبيەتى بويىنشا جازباشا ەمتيحان جانە قازاق تىلىندە وقىتاتىن سىنىپتارداعى ورىس ءتىلى مەن ادەبيەتى بويىنشا جازباشا ەمتيحان", دەپ اتاپ ءوتتى ءباسپاسوز قىزمەتى.
سونداي-اق، 11 (12) سىنىپ وقۋشىلارىنا ارنالعان مەملەكەتتىك قورىتىندى ەمتيحاندار 2021 جىلدىڭ 1 مەن 10 ماۋسىمى ارالىعىندا وتەدى.
"مەكتەپ تۇلەكتەرى ءتورت ءپان بويىنشا ەمتيحان تاپسىرادى: ەسسە تۇرىندەگى وقىتۋ تىلىنەن جازباشا ەمتيحان; الگەبرا بويىنشا جازباشا ەمتيحان جانە تالداۋ پرينتسيپتەرى; قازاقستان تاريحى بويىنشا تەستىلەۋ; باسقا تىلدە وقىتىلاتىن مەكتەپتەردە قازاق تىلىندە تەستىلەۋ جانە قازاق تىلىندە وقىتاتىن مەكتەپتەردە ورىس تىلىندە تەستىلەۋ", دەپ تولىقتىردى دەپارتامەنت.
مينيسترلىكتىڭ ءتۇسىندىرۋى بويىنشا 2020-2021 وقۋ جىلىن 3,4 ميلليوننان استام مەكتەپ وقۋشىلارى اياقتايدى، ونىڭ ىشىندە 150 مىڭعا جۋىق 11 (12) سىنىپ تۇلەكتەرى، 270 مىڭعا جۋىق 9 سىنىپ وقۋشىلارى.
"ادىرنا" ۇلتتىق پورتالى
