Saıasatker Muhtar Taıjan prezıdenttikke úmitker Jıgýlı Daırabaevtyń málimdemesine jaýap berdi, dep jazady "Adyrna" ulttyq portaly.
"Prezıdent laýazyna túsip jatqan úmitker Jıgýlı Daırabaev myrza maǵan qatty renjip úndeý jarııalapty. Namys, uıat týraly sóz qozǵap maǵan "shyq" dep shaqyryp jatyr eken. Shyqsaq shyǵaıyq, Jıgýlı myrza. Kez kelgen telearna bolsyn, ıýtýbarna bolsyn men sizben tikeleı efırde ashyq pikirtalasqa daıynmyn. Kimdiki durys, kimdiki burys - tóreshi halyqtyń ózi bolsyn", - dep jazdy Muhtar Taıjan óziniń feısbýk paraqshasynda.
Esterińizge sala keteıik, kúni keshe prezıdenttikke úmitker Jıgýlı Daırabaev ekonomıst Muhtar Taıjanǵa vıdeo joldap: “Muhtar aınalaıyn-aı, sende uıat bar ma? Sen meni aǵa dep júrgen adamsyń ǵoı. Endi sen meniń Prezıdenttikke kandıdatqa túskenime ishiń jarylyp bara jatyr ma? Pysyq bolsań, aqyldy bolsań, óziń náǵyp túspediń? Eldiń bárin buzyp, iritki saldyń. Seniń júrgen jerińe shóp shyǵa ma? Seniń mende neń bar? Adamgershilik bolý kerek qoı. Muhtar Taıjan bir jerdi ońdyryp ketti degendi estimeppin. Sen Nazarbaevtyń aq úıinde de jumys istediń ǵoı. Byltyr jer máselesi boıynsha respýblıkalyq komıssııaǵa óziń kirdiń suranyp. Ol komıssııada sen mennen utyldyń. Namysyń bar bolsa, neń bar? Qaıta qýanbaısyń ba? Qarapaıym aýyldan shyqqan azamat prezıdenttikke talasyp jatqanyna… Aýyz meniki dep ottaı beresiń be? Demokratııa degen ottaý ma? Suraǵyń bolsa kel ózime!”,- dep ashýlanǵan edi.
"Adyrna" ulttyq portaly
