Memleket basşysy Qasym-Jomart Toqaevtyŋ «Təuelsızdık bərınen qymbat» atty maqalasynyŋ özındık tūrǧydan alǧanda mən-maŋyzy zor. Biyl el təuelsızdıgınıŋ mereilı 30 jyldyǧy atap ötıledı. Būl az uaqyt emes. Osy aralyqta elımız damyp, ösıp-örkendeu jolynan ötıp kemeldendı.
Nūr-Sūltan qalasy boi köterıp, jūrtşylyqtyŋ közaiymyna ainaldy. Kök tıregen əsem ǧimarattar salyndy. Öner men bılımge keŋınen jol aşyldy. Jastardyŋ erkın bılım aluyna, baqytty ömır süruıne mümkındıkter jasaldy. Saliqaly saiasattyŋ arqasynda tört qūbylamyz tügendelıp, şekara bekemdeldı. Bır kezderı ata-babalarymyz aŋsaǧan erkındıktıŋ aq taŋy atyp, Qazaqstandy bükıl əlem elderı tanydy.
El Prezidentı Qasym-Jomart Kemelūlynyŋ būl maqalasynda elımızdıŋ 30 jyl ışınde jetken jetıstıkterı men kemeldenu kezeŋınde atqarylǧan auqymdy jūmystary saralanǧan.
Maqala negızınen «Baǧdar men beles», «Tanym men taǧlym», «Qoǧam men qūndylyq», «Ūlaǧat pen ūstanym» atty bölımderden tūrady. «HHI ǧasyr – bılım men bılıktıŋ dəuırı. Ər adam özın üzdıksız jetıldırıp, jaŋa kəsıpterdı igerıp, ünemı zaman aǧymyna beiımdelu arqyly ǧana bəsekelık qabıletın atqara alady. Bılım men tehnologiia, joǧary eŋbek önımdılıgı el damuynyŋ basty qozǧauşy küşı boluǧa tiıs» degen Prezident Qasym-Jomart Toqaev təuelsızdık jyldarynda əlemdı taŋdai qaqtyrǧan önerlı, bılımdı jastarymyzdyŋ kez kelgen elge baryp bılım aluy qalypty ürdıske ainalǧanyna toqtaldy.
Basty mındet – jastardyŋ boiyna otanşylyq ruhyn sıŋıre otyryp, olardy tuǧan elıne, qasiettı jerınıŋ igılıgıne qyzmet etuge jūmyldyru ekendıgı anyq aityldy. Maqalada jastardyŋ ərdaiym tyŋ ideialardyŋ qainar közı, oŋ özgerısterdıŋ qoldauşysy ekendıgı nazarǧa alynǧan. Öskeleŋ ūrpaqtyŋ jaŋa əleuetın oŋtaily arnaǧa būrudyŋ mən-maŋyzyna da toqtalyp ötken. Prezident janyndaǧy Jastar keŋesınıŋ qyzmetın jandandyru kerektıgı de eskerılgen.
Memleket basşysy sonymen bırge təuelsızdık jyldarynda düniege kelgen, əlı de tanylyp ülgermegen daryndy jastardy qoldau maqsatynda «Təuelsızdık ūrpaqtary» atty grant taǧaiyndaudy ūsynamyn degenı kökeige qonymdy boldy. Bızdıŋ № 4 Qarǧaly orta mektebınıŋ ūjymy da Memleket basşysy Qasym-Jomart Toqaevtyŋ maŋyzy men mənı zor maqalasynda jan-jaqty qamtylǧan negızgı ideialardy jəne elımızdıŋ 30 jyl ışınde atqarǧan igılıktı jūmystaryn taldap, oqyp bıldı. Osy maqalany basşylyqqa ala otyryp, bızdıŋ ūstazdar qauymy el erteŋı sanalatyn bügıngı oquşylardy öner men bılımge, mədenietke sai baulu jolynda jaŋa ızdenıspen qyzmet atqara beretın bolady.
Liudmila MEŊISOVA,
№ 4 Qarǧaly orta mektebınıŋ direktory.
Ūqsas jaŋalyqtar
