Almaty oblysynyŋ äkımı Marat Sūltanǧaziev Ortalyq kommunikasiialar qyzmetındegı brifingte öŋırde bılım, sport jäne kreativtı industriiany damytu baǧytyndaǧy bastamalardy tanystyrdy.
Äkımnıŋ aituynşa, jastardyŋ şyǧarmaşylyq äleuetın köteru maqsatynda oblysta Niu-Iork kinoakademiiasynyŋ filialy aşylǧan. Būl – öŋır üşın maŋyzdy mädeni jäne bılım beru qadamy. Akademiia 200 studentke arnalǧan, oqu amerikalyq baǧdarlama boiynşa bes baǧytta jürgızıledı: kinoöndırıs, ssenarii jäne akterlık şeberlık, oiyn dizainy, 3D-animasiia. Qazır akademiiada 60 student bılım alyp jatyr, olardyŋ arasynda Afrika jäne Europa elderınen kelgender de bar.
Sonymen qatar halyqaralyq deŋgeide sportşylar daiyndauǧa baǧyttalǧan «Atletiko Madrid» futbol akademiiasy jūmysyn bastaǧan. Bügınde mūnda Qazaqstannyŋ tükpır-tükpırınen kelgen 113 oquşy bılım alyp jür.
Oblystyŋ mädeni jäne ruhani ömırınde erekşe oryn alatyn şaralar qatarynda Nūrǧisa Tılendievtıŋ 100 jyldyq mereitoiy bar. «Otyrar sazy» orkestrınıŋ negızın qalauşy, äigılı kompozitor, dirijer, Qazaqstannyŋ halyq ärtısınıŋ mereitoiy IýNESKO deŋgeiınde atalyp ötılıp jatyr. Mereitoi aiasynda TÜRKSOI ūiymymen bırlesken jobalar jüzege asyryp, Beijıŋ men Mäskeude konsertter ūiymdastyrylǧan. Sondai-aq Nūrǧisa Tılendievtıŋ esımı mädeniet üilerıne, köşelerge jäne oqu oryndaryna berılıp jatyr.
