El táýelsizdiginiń 30 jyldyǵy aıasynda «Tańbaly» memlekettik tarıhı-mádenı jáne tabıǵı qoryq mýzeıinde ál-Farabı atyndaǵy QazUÝ-degi arheologııa, etnologııa jáne mýzeologııa kafedrasynyń fılıaly ashyldy.
Tańbaly qoryq-murajaıy Almaty qalasynyń 170 shaqyrym soltústik-batysynda, Jambyl aýdanyna qarasty Qarabastaý aýylynyń mańynda ornalasqan. IýNESKO-nyń qorǵaýyndaǵy tarıhı nysanda ár túrli ýaqyt aralyǵyn qamtıtyn úsh myńǵa jýyq petroglıfterdi quraıtyn júzden astam eskertkish bar.
Arheolog, etnolog, mýzeıtanýshy mamandar daıarlaýda murajaı men ál-Farabı atyndaǵy Qazaq ulttyq ýnıversıteti birlesip ult qazynasyn molaıtar jemisti jumystar atqarmaq. Bolashaq arheologııa, etnolog mamandarynyń bilimderin jetildirip, naqty óndiristik is-tájirıbe alý úshin murajaı bazasynda ózekti taqyryptar boıynsha semınarlar, konferenııalar, ǵylymı-zertteý jobalary, sheberlikti shyńdaý sabaqtary, trenıngter ótkizý sııaqty ǵylymı-tájirıbelik is-sharalar júzege asyrylatyn bolady.
«Tańbaly» qoryq-murajaıynda ashylǵan arheologııa, etnologııa jáne mýzeologııa kafedrasynyń fılıaly qıly dáýirlerdegi arheologııalyq eskertkishterge birlesken ǵylymı-zertteýler júrgizý, Tańbaly shatqalynyń petroglıfterin zertteý, jartas sýretteriniń tarıhı-mádenı jáne paleoekologııalyq maǵynaly mátinin qaıta qurý jumystarymen aınalysady.
