Qazır Baiqasqa qorymynda üş qorǧan zertteldı.
"Būl öte qyzyqty, öitkenı temır topyraqta qalyp qoisa, naşar saqtalady. Būl jerde jaǧdai oŋtaily bolǧan siiaqty. Būl qanjar — skif-saq triadasyna kıretın pyşaq qaruy. Bızdıŋ däuırımızge deiıngı III–II ǧasyrlardaǧy qanjar, saq däuırınen ǧūn-sarmat kezeŋıne ötu uaqytyna jatady. Akinaktyŋ yŋǧaily tūtqasy, tüzu krest, qisyq şyŋy jäne qan aǧyzatyn oiyǧy bar,— dep tüsındıredı «Arheologiialyq zertteuler» JŞS direktory Erlan Ämırov.
Erlan Ämırovtyŋ aituynşa, zertteu nätijesınde şaǧyn, orta jäne ülken qorǧandar tabylǧan. Anyqtalǧan qorǧandardyŋ biıktıgı qaitys bolǧan adamnyŋ materialdyq bailyǧyn nemese äleumettık märtebesın bıldıredı dep boljanyp otyr.
Aldaǧy uaqytta arheologtar Aqkezen qorymynda jalǧasy bar qorymdy zertteudı jalǧastyrmaq.
"Taldyda ǧūn — sarmat däuırınıŋ eskertkışterı (b. z. d. III ǧasyrdan b. z. d. III ǧasyrǧa deiın) ejelgı saq qorǧandaryna bailanǧan dep esepteimız. Bız būl gipotezany qazba jūmystary barysynda jüielı türde rastaimyz. Qosalqy qorǧandarda jerleu sirek kezdesedı. Bız qola qazandyq pen temır naiza ūşyn taptyq, — deidı Erlan Ämırov.
